⁹alergi/o ^PIV1

Malsano, kaŭzita de forta reago de la imunsistemo kontraŭ substancoj, kiuj normale estas sendanĝeraj, ekzemple manĝaĵoj, poleno, polvo ks: oni kalkulas, ke 10% de la monda loĝantaro suferas de iu speco de alergio [1]; lastatempe mi suferas strangan alergion, kiu – pro ankoraŭ nekonataj kialoj – de tempo al tempo forte ruĝigas mian vizaĝon [2].

Rilata al alergio: alergia konjunktivito [3]; alergiajn perturbojn kaŭzas al ŝi laktuko, cepoj kaj multaj aliaj legomoj [4].

Reagi per alergio al io: mi ankaŭ ŝatas katojn sed mi alergias al ili [5]; (figure) esperantistoj restas naciistoj, kaj pro tio ili alergias al la hodlera mesaĝo [6].

Kaŭzanta alergiajn reagojn: li mezuris la efikon de alergiiga substanco en ĉelkulturo [7]; en la ĉiutaga vivo vi devas bone gardi vin mem kaj ne tuŝi la facile alergiigajn objektojn [8].

Iu suferanta pro alergio: por alergiuloj kaj celiakiuloj eĉ spuro de gluteno povas esti tre danĝera [9]; kiu ajn printempe spertas fortajn kaj daŭrajn malvarmumojn, konjunktiviton, kapdoloron, verŝajne estas alergiulo [10].