klab/o ^{V PV}

1.

Bastono kiun oni tenas ĉe unu ekstremaĵo kaj pli dika ĉe la alia ekstremaĵo: la klabo estas la simbolo de monarkia aŭtoritato en la ĉambro de deputitoj [1].

a)

Tia bastono, uzata kiel kontuza armilo: per klaboj kaj bastonegoj la indiĝenoj mortigis la viktimojn de la veneno kaj ĵetis ilin en la kanuon [2]; (figure) sloganisma klabo […] anstataŭu argumenton [3]; kvazaŭ iu batis mian kapon per klabo, tiel mi nun ŝanceliĝis al la antaŭferdeko [4]; la vespermanĝo estis en du grasaj ladokruĉoj, kiuj aspektis kvazaŭ atakitaj per klaboj [5].

b)

Bastono kun ekstrema dikaĵo, per kiu oni en iuj sportoj batĵetas pilkon: basbalo kaj similaj sportoj […] utiligas klabon por ŝoti la pilkon [6].

2.

Klaboforma malantaŭa femuro de bruto, preparita por manĝi: la ok tablanoj estis aprezintaj la brunkrustetan ŝafklabon, milde parfumitan per ajlo enpikita jen kaj jen [7].

Bati per klabo: ili pikas, klabas, vundas [8]; min sort’ plu klabas [9]. bastoni