^*poŝt/o ^UV

1.

Organizaĵo por transporto de leteroj aŭ malgrandaj pakaĵoj per konvenciaj transportiloj (trajno, ŝipo, aviadilo): respondi per revenanta poŝto; ekstere sonis korno de poŝto [1]; jen per la poŝto alvenis mono [2]; portu la leteron al la poŝto kaj diru al la poŝtestro, ke li akceptu sen mono [3]; poŝtkarto (senkoverta letero, ofte kun plimalgranda afranko); poŝtmarko; la risko pri interreta viruso ne estas multe pli granda ol ricevi bombleteron per normala poŝto [4].

2.

Tio, kion la poŝto liveras: prepari la poŝton [5]; la poŝto venis – letero de nia korespondanto en Lepsiko [6]; tiu lasta pakaĵo, kiu venis ankoraŭ en la lasta minuto sur la ŝipon, estis la poŝto [7]; la unua oficiro akceptadis la poŝton [8]; virinoj iris por alporti lakton kaj poŝton [9]. letero

Rilata al poŝto: la poŝta instanco en Irlando eldonis serion de belaj poŝtmarkoj [10].

Ĉia poŝta sendaĵo, kia letero, poŝtkarto, pakaĵo: ĝi ekzemple ne havas funkciojn por aŭtomate ordigi la envenantajn poŝtaĵojn [11].

Oficejo, en kiu publike alireblas poŝtaj servoj: sendado, ricevado de poŝtaĵoj, kaj similaj: en iu varma julia posttagmezo mi iris en la poŝtejon sendi leteron [12].

Programo por sendado, ricevado, traktado de retleteroj: la plimulto de la poŝtiloj povas filtri mesaĝojn kaj pludirekti ilin al alia leterkesto aŭ al la rubujo [13]; taŭge ekipitaj komputiloj kaj retpoŝtiloj certe kapablas surekranigi kaj transsendi la supersignitajn literojn [14].

Oficisto, kiu zorgas pri kolekto, kursigo aŭ disdonado de poŝtaĵoj: Paĉjo, paĉjo, jen pakaĵo, kiun la poŝtisto liveris [15].

(tr)

Konfidi al poŝta servo por livero: fine mi enpoŝtigas la leteron [16]; la redaktoro de la revuo, ekde nun estos prizorganta ĝian preparadon de la kolektado de la informoj ĝis la enpoŝtigo [17]. ekspedi

Rilata poŝtsendadon per aviadilo por plej rapida liverado: en 1918 ekfunkciis la unua publika aerpoŝta rilato de la mondo inter Vieno kaj Kievo kaj Budapeŝto [18]; hodiaŭ la aerpoŝta ekzemplero de LOdE n-ro 4 alvenis [19].

1.

Sistemo (protokoloj, serviloj ktp) por transporto de retleteroj kaj dosieroj tra komputila reto: ni kunigis per retpoŝto aktivulojn de Sud-Ameriko [20]; heliko estas ankaŭ nomo de la signo @ por „ĉe“, uzata en poŝtpoŝto [21]; mi sendas krudan mp3-mikson eksterlanden per retpoŝto [22]; retpoŝto funkcias jene: kiam uzanto sendas retmesaĝon, ĝi iras al servilo, kiu kutime apartenas al la retprovizisto de la sendanto […] [23].

2.

Tio, kion oni sendas kaj ricevas per tiu sistemo: [ili] ĉiutage ricevas multe da retpoŝto [24]; organizu vian retpoŝton [25]; [kiam] la CO en 1992 ekuzis retpoŝton, al plej multaj mortemuloj ĝi ne estis alirebla [26]. retletero

Liverata al la adresato (kiu eventuale ne havas konstantan adreson) nur ĝis la poŝtoficejo: antaŭ la giĉeto, kie oni ricevas poŝtaĵojn poŝtrestante, homoj staris vice [27].