⁹ŝok/i ^PVEF

(tr)

Konsterni per maldececo, malkonveneco: [la] necesaj longaj klarigoj, […] kvankam ne povante ŝin konvinki, havus tamen kiel solan rezultaton ŝoki ŝian hontemon [1]; tiuj maljustaj kulpigoj, tiuj ridindaj riproĉoj, […] forte min ŝokis [2]; ŝi verkis artikolojn per vigla, veka, vunda stilo, kiuj ŝokis multajn konservemulojn, sed kiuj altiris […] tiujn, kiuj sopiris al io nova [3]; personoj, kiujn ŝokas krudaj priskriboj pri seksaĵoj, kaj al kiuj ne plaĉas esti tiel ŝokataj, bonvolu ne legi ĉi tiun verkon [4]; li konsideras ŝin freneza, kio ŝokas min, ĉar al personoj maljunaj oni ŝuldas respekton [5]; per sia senindulga ironio, sia kruda sincero, sia absoluta preterlaso de ĉia ĝentileca hipokrito Waringhien ne malofte konfuzis amikojn kaj ŝokis kontraŭulojn [6]. skandali

1.

Kiu ŝokas, kiu surprizas pro malkonveno: mi estas senpeka junulino, kaj mi ne rajtas respondi tiajn ŝokajn demandojn [7]; la tuto estis tre stranga, [sed] multaj ceteraj aferoj, kiujn mi jam rigardis maljustaj kaj ŝokaj [8].

2.

Kiu rilatas traŭmaton aŭ staton de ŝoko^2.a aŭ ^2.b.

1.

Ago ŝoki kaj ties rezulto: li havis veran ŝokon kiam Profesoro Setälä venis al li kaj diris: „ĉu vi faros al mi komplezon, sinjoro?“ [9]; juna Morja provis sorbi la du ŝokojn kiujn kaŭzis, unue, la neordinara beleco de tiu blondulino, kaj due ŝia ne pli ordinara konfeso [10]; post kelkaj sekundoj da ŝoko, veo kaj nekompreno, la avino rimarkigas al la nepo […] [11]; estis por mi jena kultura ŝoko, kiam mi legis la libron [12]; la plej granda ŝoko de tiuj ĉi balotoj estas tamen ŝanĝo ĉe la maldekstra flanko [13]; tuj post la atakoj regis nur ŝoko kaj ĉagreno [14]; (figure) preza ŝoko en la merkato de kruda petrolo [15].

2.

a)

Kolapso de sangofluo kaj sekve manko da oksigeno en la organismo, pro fizika aŭ psika kaŭzo: la edzino verŝajne mortis, senkonsciigite de la ŝoko, kiam la veturilo brulis [16]; devis esti por vi ega ŝoko, kiam vi eksciis pri lia morto [17]!

b)

Traŭmato, kiu povas esti ankaŭ intenca por kuraca celo: kora defibrilacio per elektra ŝoko [18]; ŝokterapio.

3.

Subita, disvastiĝanta ŝanĝo de fizika grando; subita akcelo, malakcelo ktp: ŝokondo; posttertremoj estas malpli intensaj tertremoj formitaj kiam la terkrusto ĉirkaŭ la delokigita krusto adaptiĝas al la efikoj de la ĉefa ŝoko [19].

impeto, impulso, frapo, puŝo

Forta elektra bato: elektroŝoko de 17 500 V [20].