²teritori/o ^JED

1.

Granda parto de tersurfaco inter difinitaj limoj: sur la tuta teritorio de la palaco malaperis la ordo, kiel ordinare antaŭ la ekmarŝo [1]; malgrandiĝo de la fruktodona teritorio [2]; la praposedanto de la aŭtorrajto ... rajtas malimplice limigi la teritorion de distribuado de la Programo [3]; La montaro Malé Karpaty ― Malgrandaj Karpatoj ― estas unu sola grandarea naturprotektata teritorio de vitkultura tipo [4]; ĉio estas limigita sur nia planedo: krudaj materialoj, akvo, teritorio, renovigeblaj riĉofontoj [5].

a)

Difinita spaco tera, eventuale ankaŭ akva kaj aera, rigardata kiel submetita al iu regado aŭ administrado: la teritorio de la urbo; la Turkoj invadis aŭstran teritorion; daŭras inter Estonio kaj Rusio politikaj intertraktadoj, por ke i.a. foriru la rusa armeo el estona teritorio [6].

b)

Parto de federacia ŝtato ne memrega sed rekte dependa de la centra registaro kontraste al subŝtato: Barato ... enhavas 28 ŝtatojn kaj 7 teritoriojn [7].

2.

Spaco, kiun besto aŭ bestgrupo markas kiel sian, en kiu ĝi ne toleras rivalajn samspeculojn: kelkaj virbestoj ... komencas aktive defendi la limojn de sia teritorio, kien eniri de nun ricevas permeson nur inoj kaj neplenkreskuloj [8].

Ne regata de la leĝoj kaj aŭtoritatoj de la ĉirkaŭa lando: privilegio pri eksterteritorieco (koncesiita al ambasadorejoj); la kunvenaj kaj oficaj konstruaĵoj ricevis eksterteritorian statuson [9].