^*17aŭtoritat/o ^PV

1.

Spirita povo, influo, bazita sur respekto al la scioj, intelekto, saĝo, kompetento de koncerna persono aŭ institucio: li instruis ilin, kiel havanta aŭtoritaton, kaj ne kiel iliaj skribistoj [1]; povante meti en sian parolon aŭtoritaton [2]; ŝia aŭtoritato en la kastelo estis tiel nula kiel antaŭe [3]; la Lingva Komitato […] sola havas aŭtoritaton kaj sperton pri tiu demando [4].

2.

Potenco: mi ankaŭ estas homo sub aŭtoritato, havante soldatojn sub mi [5]; kaj li donis al ili aŭtoritaton super malpuraj spiritoj [6]; [la] pastra partio ekŝancelis la aŭtoritaton de l' faraono [7]; homo, vestita de administracia aŭtoritato [8]; tuj mi transdonas al vi aŭtoritaton por prizorgi miajn aferojn [9]; mi nun deprenas de mi tutan aŭtoritaton nur tial, ke mi profunde kredas, ke tion postulas la interesoj de l' afero [10].

3.

(metonimie) Aŭtoritatulo: lokaj aŭtoritatoj ankaŭ montris al ni grandan helpon, kaj en via nomo mi ilin kore dankas [11]; la tempo de la teoriaj juĝoj kaj de kliniĝado antaŭ ŝajnaj aŭtoritatoj jam de longe pasis [12]; ni decidis sendi skribon al la aŭtoritatoj, por ke ili informu nin, kion oni intencas [13]; li estas potenco kaj aŭtoritato kaj postulas respekton [14].

1.

Estiminda, obeinda, havanta aŭtoritaton¹: aŭtoritata scienculo [15]; aŭtoritata beletristo [16]; kelkaj famuloj favore rekomendis esperanton: ... la aŭtoritata lingvisto A. Meje (Meillet) kaj aliaj [17]; iam ia por ĉiuj aŭtoritata kaj nedisputebla institucio decidos alie [18]; laŭ la opinio de aliaj personoj, kies juĝo en tiaj aferoj estas pli aŭtoritata ol mia [19]; okazas, ke tiaj homoj (inkluzive min) alprenas tonon aŭtoritatan, kvazaŭ ili havus ian ĉielan komision deklari, kio estas ĝusta kaj kio malĝusta ^BonaLingvo necesas ankaŭ legitimi la motivaron per citoj, per ekzemploj el aŭtoritataj fontoj [20]. eminenta

2.

Deviga, posedanta aŭtoritaton²: decidita per aŭtoritata interkonsento de la registaroj [21]; aŭtoritata apogo de la registaroj [22]; aŭtoritata tono [23].

Regado per aŭtoritataj decidoj, pli ol per interparolo kaj kompromiso: en via lando […] la aŭtoritatismo estas hieraŭa memoro kaj hodiaŭa danĝero [24].

Rim.: Kontraste al diktatoreco politika aŭtoritatismo ne disponas pri ĉiurilataj povoj. Ĝi konsistas pliĝuste el tro drasta uzo de leĝe difinitaj povoj. [ĵv]

1.

Kompetentulo, fidinda eminentulo: li vere estas bona aŭtoritatulo pri la literaturo angla [25]; profesoro J.W. Hopkins (Yale Un.), tiutempe la plej granda aŭtoritatulo en fako de reptilioj [26]; li estas ne nur inteligentulo, sed efektive vera aŭtoritatulo, kiu preferas aŭskulti la opiniojn de aliaj ol esprimi la proprajn [27]. distingito, gravulo

2.

Estro: oni kondukos vin antaŭ la […] aŭtoritatulojn [28]; ĉu vi volas ne timi aŭtoritatulon [29]? pretaj sub la premo de mizero turni sin kontraŭ la aŭtoritatulojn [30]; spitaĝo (estas la) vivperiodo en la aĝo de ĉ. 2 ĝis 4 jaroj, kiam la infano ekzercas sin en mensa sendependeco per kontraŭstaro al la gepatroj kaj aliaj aŭtoritatuloj ^HejmVort .