^*korn/o ^UV

1.

Malmola elstaraĵo, kiu kreskas sur frunto aŭ alia kapo-parto de bestoj, precipe de viraj remaĉuloj: kornoj de bubalo [1]; jen virŝafo malantaŭe implikiĝis per la kornoj en la arbetaĵoj [2]; cervo […] tuŝegis per la kornoj la grimacantan statuon [3]; (frazaĵo) preni la bovon per la kornoj (iri rekte kaj decide al la plej malfacila afero); (frazaĵo) Declerck en tiu ĉi verko kaptas per la kornoj sian taŭron: li rezolute donas al ni romanon pri lingvoj [4]; kornoj de antilopo [5]; en Kipro ekzistas pluraj ĉasistoj, kiuj ne hezitas buĉi la malabundajn kornohavajn mamulojn por riĉiĝi [6]; li kornobatos ĉiujn popolojn kune ĝis la randoj de la tero [7]; se iun sklavon […] kornobatos la bovo, tiam tridek sikloj da mono devas esti pagitaj [8]; Petro kornojn tenas, Paŭlo lakton prenas ^PrV .

a)

Bova korno aŭ similforma objekto uzata kiel ujo: Cadok prenis la kornon kun oleo […] kaj sanktoleis Salomonon [9]; trinki el korno.

b)

Besta korno truita ĉe la pinto aŭ ĉe flanko, uzata kiel blovinstrumento aŭ imitaĵo de tia instrumento el metalo: aŭdiĝis tre forta sonado de korno [10]; [la] flava korno de poŝto [11]; blovi per la korno de ribelo [12]; de la supro eksonis korno, al kiu tuj respondis la princa taĉmento [13]. ĉaskorno

2.

Korna substanco: korno-pecetoj [14].

3.

(figure) Simbolo de potenco kaj fiero, abundeco: la nacioj […] levis sian kornon kontraŭ la loĝantojn de Judujo [15]; li rompis ĉiujn kornojn de Izrael [16]; la korno de abundeco simbolas naturan riĉecon de la regiono [17]. abundokorno

4.

Supersigno: dekstra korno (ó), maldekstra korno (ò), vjetnama korno (ơ).

Farita el substanco simila al korno: korneca kombilo, tabakujo; „plumo“ tie perdis sian origina sencon: korneca tubeto garnita per lanugo [18]; malmola tritiko havas konsiston kornecan [19].

Branĉformaj kornoj de cervedoj: bela cervo kun majesta kornaro [20]; la pintoj de liaj sagoj pretiĝas el la kornaroj de la cervoj [21].

Tradicia motivo de okcidenta arto — granda korno elbuŝiganta florojn, fruktojn kaj aliajn simbolojn de abundo kaj prospero: abundokorno mia al vi verŝus ⫽ precize ĉion far vi sopiratan [22]; [ili] havis abundokornon en unu mano kaj en la alia vazon por oferverŝado [23].

antikva vazo kun Pluto portanta abundokornon, 440-430 a.K.
CC BY-SA 2.5  [24]

Hupo de aŭto, origine farita el korno kaj plue tiel nomata: eta „PEE“ de aŭtokorno altiris lian atenton [25].

Eŭropa metala blovinstrumento kun longa, cirkle volvita tubo kaj vasta kloŝo, tradicie uzata por signaloj dum ĉasado: jen inter la montoj ekaŭdiĝis la sonoj de ĉaskorno [26]; la bruo de ĉaskornoj […] ilin tute erarigis [27]; ĉaskorno sonis, kaj la hundoj bojis [28].

Supersigno, oblikva streketo de maldekstre dekstren alsupra: la akuto, nomata ankaŭ la dekstra korno, [estas] uzata en la hispana lingvo ekzemple por indiki akcenton [29].

Supersigno v-forma, ŝajnanta kiel renversita ĉapelo³: dukorno […] estas uzata en diversaj lingvoj por indiki konsonantan kvaliton: en la ĉeĥa, slovaka, kroata, slovena, latva kaj litova ni havas č š ž [30].

Besto kun du kornoj.

Supersigno, oblikva streketo de maldekstre dekstren almalsupra: la maldekstra korno […] montras la „subeniran tonon“ [31].

Papersaketo pinte rulita: fari paperkornetojn […] oni ne ĉiutage bezonas, sed tiam oni entreprenas ion alian [32].

Laŭlonga duono de korno aŭ simila duonfunela ilo por faciligi engliton de kalkano en ŝuon.

Besto kun unu korno: la unukornulo tuj aperis kaj kuris rekte kontraŭ la tajloro, kvazaŭ por trapiki lin [33].

Ekvatora stelfiguro (Monoceros).