^*paradiz/o ^UV

1.

Loko ĉiela, kie justuloj ĝuas post morto eternan feliĉon: vere mi diras al vi: Hodiaŭ vi estos kun mi en Paradizo [1]; ĉu ŝi jam mortis kaj estas en la paradizo [2]? animo al paradizo deziras, sed pekoj retiras ^PrV .

2.

Edeno: laŭ niaj legendoj, Adamo forlasis la paradizon por Eva [3]; en la ĝardeno de la paradizo, sub la arbo de la sciado […] naskiĝis birdo, kiu per sia flugado povis konkuri kun la lumo [4]; la regiono estis paradiza, ĉar ĝi enhavis anĝelon — knabinon, ornamitan per ĉiuj ĉarmoj de la floranta juneco [5];

3.

(figure) Agrablega loko: la paradizo de la amo [6]; vivadi en trompa paradizo [7]; ĉi tiuj rifuĝejoj ŝajnis paradizo al la vojaĝantoj en la dezerto, kiuj trovadis en ĝi iom da verdaĵo [8]; la nokto estas varmeta kaj dolĉa, kiel nokto en la paradizo [9].

(figure)

Regno aŭ provinco, kiu per tre malaltaj impostoj instigas riĉajn homojn aŭ kompaniojn al instaliĝo: bankoj kiuj laboras kun impostparadizoj [10]; iu homo en la „impostparadizo“ ne plu eltenis tiun maljustaĵon kaj informis germanajn instancojn [11].

Ludo en kiu oni, starante sur unu piedo, puŝas ŝtoneton tra fakoj surtere desegnitaj ĝis la lasta, kromnomata paradizo: mi rimarkigis al ŝi, ke la plankokaheloj memorigas min pri la paradizludo, kaj tiel ekis konversacio pri infanludoj [12]. faksalta ludo, hopludo