¹program/o ^JED

Laŭtempa listo de farotaj aferoj, de taskoj. lernoprogramo; programo de kunveno; vivi komunan vivon – tio signifas: havi […] komunajn pensojn pri ĉio, helpi unu la alian, havi la samajn ĝojojn kaj ĉagrenojn... – bela programo, ĉu vi efektivigis ĝin? ^IK ; [la] programo estu preparita laŭ la kongresa regularo [1].

a)

Politika agendo; la konkreta plano de partio, societo ktp: programo anoncanta la intencojn de politika partio; Homaranismo estas speciala kaj tute difinita politika-religia programo ^VivZam ; religiaj moroj, kiuj estas enkondukitaj de homoj, por enporti en la vivon difinitan programon kaj spiritan varmon [2]; tiu ĉi malgranda sumo […] servas jam por elspezoj de korespondado, sendado de programoj, tabeloj da demandoj ^FK ; splitopartioj […] povas per specialaj programoj kun frapaj sloganoj allogi homojn kun specialaj interesoj [3]; sociaj programoj por dignaj vivkondiĉoj [4].

b)

Listo de prezentotaj pecoj: programo de koncerto; la esperantlingva programo de Radio Budapeŝto [5]; kolortelevidaj programoj kun multe da interprograma varbado [6].

c)

Priskribo de la agoj plenumotaj de komputilo, en komputila lingvo aŭ en ĝia maŝinkodo: verki programon en C; traduki programon el C; bindi programon el moduloj; lanĉi, plenumi, ruli programon; aplika programo (kiun uzas neprogramistoj); ilprogramo (uzata por krei aŭ funkciigi aplikajn programojn); la elpakita programo bezonas preskaŭ 6 megabitokojn [7]; kun la programo estas provizita amaseto da diversaj litertipoj, ekzemple la senserifaj Svisujo, Metroo kaj Kuriero [8]; estas priskribitaj nur programoj kaj dosieroj: tekstoprilaboriloj, tekstoreviziiloj, tradukiloj, litertiparoj, programoj por adapti litertipojn, rekoniloj, programoj por adapti la klavaron, ktp [9]; ĉar ĝi estas libera programo, mi povis mem adapti ĝin [10]; pluraj popularaj programoj funkcias unikode [11]; verki programojn per familia komputilo kaj la programadlingvo Basic [12]. algoritmobindilo, interpretilo, tradukilo

plano¹, tagordo, taskaro

(tr)

1.

Antaŭdifini ordon de eventoj: se trafiksistemoj kolapsos, kolizioj de aŭtoj, tramoj kaj fervojoj estas programitaj [13]; la franc-germana televidstacio Arte bonŝance programis mirindan filmon de la universale koramata Charles Chaplin [14]; sekve de la (programita) paneo de elektraj aparatoj, konsumado de kartoĉoj kaj ĉiaj aliaj aferoj por unufoja uzo, kreiĝas pli kaj pli da rubo [15]; Dio kree intervenis de tempo al tempo, kiam la evoluciaj fortoj, kiujn li programis, ne sukcesis salti al pli nova kompleksa vivformo [16].

2.

Verki programon kiu faru ion: programi sintaksan analizon, formorekonon; programi por (sub, en) Unikso en C; ĉu tiu funkcio estas programita aŭ realigita aparate? oni povas programi siajn preferatajn klavokombinojn por super- kaj sub-signitaj literoj [17]; ilia agado estas programi, testi, priskribi, ripari, pliampleksigi la programaron [18]; kiam la persona komputilo estis disvolvita kaj surmerkatigita en Usono, ĝi estis planita kaj programita por anglalingvanoj, [19]; iuj firmaoj ankaŭ programas la printilojn tiel, ke ili aŭ rifuzas ne-aŭtentikajn kartoĉojn [20].

(tr)

1.

Verkado de komputilaj programoj, en pli vasta senco inkluzive de projektado, dokumentado kaj vartado: metodoj de programado; strukturema, modulema, objektema programo; post iom da programado mi ekhavis unikodan retpoŝtilon kaj povis sendi al mi mesaĝojn kun belaj esperantaj supersignoj [21]; koni kelkajn principojn pri programado [22]; libera programaro donas ŝancon […] enplektiĝi en avangardan programadon sen la kutimaj limigoj pro kopirajtoj kaj patentoj [23]; „katedralo” kaj „bazaro” estas la nomoj por liaj modeloj de komerca kaj libera Programado, respektive [24]; normoj ellaboritaj de W3C, la ĉefa instanco por interreta programado [25].

2.

(ankaŭ „matematika programado“) Parto de operaciesploro, studanta problemojn pri funkciekstremoj super aroj de finidimensia vektorspaco, kiujn arojn difinas egalaĵoj aŭ komparaĵoj: la „dorssakproblemo“ kaj „la problemo pri vojaĝa komizo“ estas konataj problemoj de matematika programado; dinamika, diskreta, konkava, konveksa, lineara, nelineara programado [26].

1.

La programoj stacio, satelito ktp: la televidprogramaro, kiun la satelito dissendas [27].

2.

La programoj uzataj en komputilo (ofte kontraste al aparataro): sistema programaro; aplika programaro; komerca, ĉiesa, senpaga, libera programaro; portebla programaro; vivciklo de programaro; programara krizo; ĉiuj novaj komputiloj liveriĝos kun unikodokapabla programaro [28]; kontraŭvirusa programaro [29]; nokto plej konvenas al la telefon-kompanioj por testadi aŭ ŝanĝi sian programaron [30]; oficeja programaro [31]; [ili] disponigas aron da programoj tre similaj al la ĉefa programaro de Mikrosofto por prilabori tekstojn, uzi la reton kaj fari tabelojn kaj datenbankojn [32]; la movado por libera programaro rekte kontraŭas patentojn pri tiaj aferoj [33].

Unuopa peco en programo: filmofirmaoj […] povas revendi la rajton por la sama programero plurfoje [34]; li fiere anoncas […] la programeron „Homoj kaj problemoj“ [35]. okazas ankaŭ ekspoziciaj programeroj: teatraĵoj, muziko kaj prelegoj [36]; renkontiĝi kun geamikoj kaj ĝui programerojn de siaj konatoj: ĥorkantado, ludado de diversaj instrumentoj, dancado [37]; ĝi kunvokis la parlamenton […] por efektivigi programerojn: pliigi enspezimpostojn […], malpermesi parlamentanojn elektitajn per partia listo eksiĝi de tiu partio sen eksiĝi kiel parlamentano […] [38]; sekva programero de la registaro estas la iompostioma forigo de fruaj pensiiĝoj [39].

Fakulo pri programado: la koncernaj normoj estas interkonsentitaj, kaj programistoj diligente kreas la necesan substrukturon (programajn bibliotekojn, ktp) [40]; Linukso estis la unua projekto, kiu sukcesis utiligi la talenton de programistoj ĉirkaŭ la mondo [41]; li estas komputil-programisto kaj fervora leganto [42].

Komputila programo produktita per tradukilo el fontprogramo.

Komputila programo verkita en programlingvo, kiun tradukilo transformas en celprogramon: por esti vera „libera programo” la fontprogramo devas esti disdonata kun la ruleblaj programoj aŭ esti alimaniere akirebla [43].

1.

Programo aldona al ĉefa programo de evento, kongreso ktp, ofte distra: riĉa, varia kromprogramo kompletigis ĉiutage la bazan prezentadon en haloj kaj tendegoj [44].

2.

Programo vastiganta la kapablojn de ĉefprogramo, al kiu ĝi aldoniĝas: en la estonteco Firefox ĝisdatigos la kromprogramojn por vi [45]; kvankam MySQL mem estas senpaga, nepre necesas diversaj kromprogramoj, kiuj estas pagendaj [46].

Ilprogramoj de komputa sistemo necesaj por funkciigi aplikajn programojn: BIOS estas sistema programaro [47]; la unua versio de Mac OS (nomita poste) aperis en 1984, kiam oni nomis ĝin simple […] sistema programaro [48]. operaciumoLinukso, Unikso, Vindozo

Kolekto da aplikaj programoj por iu ekstera aplika tereno (kontraste al sistema programaro): komercaj programoj por klientoj-uzantoj ordinare nomiĝas aplika programaro (aŭ aplikaĵo) en la komputika industrio, ĉar tiuj programoj sin fokusas sur la kapabloj por kiuj oni uzas la komputilon, kontraste al tiuj de sistema programaro (ekzemple la Vindoza mastruma sistemo) [49]; Amikumu (aplikaĵo) ‐ kategorio: Aplika programaro [50]. Skajpo, Muzaiko