tobogan/o ^PIV1

tobogano

: Infanĝardena ludilo, dekliva glitvojo, sur kiu oni side aŭ kuŝe glitigas sin: [en la] infanludejo […] bunta kriado akompanis la toboganadon ^ChV; mi vidis konkursojn por sledoĉaroj, skiantoj kaj infanoj, ĝuantaj toboganon [1]; (figure) la venezuelanoj havas la tenton enfermiĝi ĉirkaŭ siaj kvereloj [kio…] estigas al ili la riskon fali kaj ruli sur la tobogano de la malprogreso [2]; [la] tre flua lingvo […] kuntiras la leganton kun tobogana rapideco en la aventurojn de la protagonistoj [3]. deglitejoglittubo

1. Monato, William Simcock: Impresoj pri Portugalio, 2003
2. Diversaj aŭtoroj: Le Monde diplomatique en Esperanto 2017-2019, Ĉavismo kaj Venezuelo, hodiaŭ
3. Monato, Lode van de Velde: Suspenso de komenco ĝis fino, 2005

beloruse:: горка (атракцыён)
ĉeĥe:: tobogán (skluzavka i sáňky)
ĉine:: 溜滑梯 [liūhuátī], 滑梯 [huátī], 滑槽 [huácáo]
france:: tobogan
germane:: Rutsche
indonezie:: perosotan, seluncuran
japane:: トボガン
katalune:: tobogan
pole:: ślizgawka, zjeżdżalnia
portugale:: escorregador, escorrega
ruse:: горка(для съезжания) , тобоган
slovake:: skĺzavka, tobogan (aj druh saní)
ukraine:: тобоган (спортивні сани), гірка (атракціон), спускний лоток (для вантажів)

: Granda tobogano kun reloj en amuzparko, sur kiu supren kaj malsupren glitas vagonetoj: ĉi tiu klasika turniĝanta ludilo […] postvivis ĝis nun en la jarcenta fino, konkurante kun reltobogano [4]; la flankaj pripensoj […] en miaj legadimpresoj iras supren-malsupren kvazaŭ sur reltobogano [5].

4. Hemmi Yô, trad. Doi ĉieko: Homoj manĝantaj, „manĝi en vagono de spekto-radego“, p. 123a
5. Tri etaj romanoj: du bongustaj kaj unu senbaza

beloruse:: амэрыканскія горкі
ĉine:: 环行滑车 [huánxínghuáchē], 環行滑車 [huánxínghuáchē], 过山车 [guòshānchē], 過山車 [guòshānchē], 云霄飞车 [yúnxiāofēichē], 雲霄飛車 [yúnxiāofēichē]
france:: montagnes russes
germane:: Achterbahn, Sommerrodelbahn
indonezie:: kereta luncur, roller coaster, wahana halilintar
katalune:: muntanyes russes
pole:: kolejka górska
portugale:: montanha-russa
ruse:: американские горки