^*verk/i ^UV

(tr)

Produkti per spirita laboro artaĵon aŭ sciencaĵon: ĉio alia, kion mi verkis aŭ verkos […] estas nur verkoj privataj [1]; verki multajn librojn [2]; [li] estis saĝulo, […] li ĉion pesis, esploris, kaj verkis multe da sentencoj [3]; verki poeziaĵojn, tragedion [4]; mi pagos la vojaĝon, kaj vi poste verkos priskribon de la vojaĝo [5]; oni ne povas legi la unuajn partojn (de la romano), ĉar ili estas verkitaj en lingvo, kiun ni ne lernis [6]; ŝi […] kantis la ĉarman versaĵon, kiun ŝi mem verkis [7]; la verkinto de niaj plej belaj popolaj kantoj [8]; li verkadis ĉiujare malgrandan traktaton pri la strigo [9]; Via imperiestra moŝto tute ne povas prezenti al si, kiaj diversaj mensogoj estas verkataj [10]. aŭtori, ellabori, komponi, krei

1.

Arta aŭ scienca produkto de la spirito: la manuskripto de lia tuta verko estas finita ^PrV ; mia patro mortis, kiam nur duono de lia verko estis eldonita ^PrV ; vi venis kaj instruis al la skulptisto, ke lia verko estas nur argilo, nur polvo [11]; mi tre volonte legas antikvajn utilajn verkojn, sed mi estas ankaŭ amanto de la novaj verkoj, nur ne de la ordinaraj historioj [12]; tiu „enciklopedio“ ne estis kutima laŭalfabeta konsultverko sed ilustritaj volumoj pri armeaj kaj militŝipaj statistikoj [13]; mian diploman verkon mi faris pri konkurencanalizado […], rezulte de tiu merkatika diplomverko nia firmao daŭre ekzistas kaj prosperas [14]; koniĝas majstro laŭ sia verko ^PrV ; la fino kronas la verkon ^PrV . juvelo, perlo, trezoro

2.

(figure) Rezulto de agado: la atako kontraŭ la temploj […] tio estas la verko de Fenicianoj [15]; kelkdeko da tagoj sufiĉis, por ke la popolo forgesu, ke ĉiuj verkoj de Herhor estis nur plenumo de la intencoj de la juna […] faraono [16]; bela kaj majesta estas Lia verko (dia kreo), kaj Lia justeco restas eterne [17].

1.

Tuto da verkoj de koncerna aŭtoro: Cicerono finis sian tutan verkaron pri retoriko per la konkludo, ke vere perfekta oratoro devas samtempe esti perfekta homo ^Ret ; Racine uzis en ĉiuj siaj verkoj nur 6 000 vortojn, dum la verkaro de Victor Hugo estis skribita, laŭ kelkaj, per 20 000 vortoj ^Ret ; el ĉi tiu nigra listo oni povas ekscii, kies verkaro estis malpermesita en la tiama Germanio [18].

2.

Kolekto da verkoj de koncerna aŭtoro, en formo de libro aŭ de libroserio: ĉio troviĝas en „Originala Verkaro“, 1929 ^EeP ; biografio de Zamenhof verkita de s-ro Ito Kanzi surbaze de lia Plena Verkaro de Zamenhof [19].

Loko, kie iu verkas; kabineto, ateliero: kelkaj ideoj ne tuj transformiĝas al verko; ili restas notite, aŭ en fora anguleto de la cerbo, ĝis oportunaj tempo aŭ cirkonstancoj revenigas ilin […] al la verkejo [20].

Tekstotraktilo disponiganta rimedojn por oportuna verkado de diversaj tekstoj, i.a. tekstan redaktilon, literumilon, aŭtomatan kompiladon de indekso, enhavtabelo, diversaj referencaroj ktp.: iPhone 3G […] posedas iun bazan tekstoverkilon [21]; plimulto da modernaj literumiloj […] uzataj en la modernaj verkiloj uzas por Esperanto adaptaĵojn de […] Ispell [22].

Homo profesie verkanta; aŭtoro: verkisto verkas librojn [23]; kantverkisto [24]; franca tragediverkisto [25]; ĝi estas verŝajne fabelo de la libroverkistoj [26]; la granda verkisto kaj filozofo Leono Tolstoj […] diris pri la lingvo Esperanto jenon […] ^EE ; Adamo Rudzinski estis verkisto, kiu preskaŭ ekskluzive dediĉis sin al esplorado de demandoj sociaj ^Marta ; la malnobla satira verkisto de tiu ĉi libro diras, ke maljunaj homoj havas grizajn barbojn ^Hamlet .

Tute, de komenco ĝis fino ellabori verkon: ĝis la mateno li elverkis leteron al la malgranda Kristino [27].

Partopreni en verkado kune kun alia(j): ni kunverkis kaj eldonis tri librojn „Ŝipeto Narklo“, „La tero, kiu volis forflugi“ kaj „Subtera suno“ [28]; ofte ili havas helpon de aliaj muzikistoj kaj fakuloj, ĉu por verki aranĝojn […], por kunverki kanzontekstojn, registri kaj miksi [29].

Refari verkon cele al plibonigo, modernigo ks: malofte en la moderna epoko literature lerta fakulo sukcesas reverki mitologian rakonton en formo legebla, agrablastila [30]; se mi nun reverkus la libron, mi esprimus min alistile [31]; li forstrekis la vortojn „ŝi estas“ kaj reverkis la tuton laŭ pli telegrafa stilo [32]. revizii²

Unikaĵo arte kreita: en la urbo mem brulis sennombraj trezoroj, amasigitaj dum jarcentoj de venkoj, netakseblaj artverkoj, grandiozaj temploj kaj plej karaj monumentoj de la roma pasinteco [33]; la dometo de Vilhelmo ja estis artverko, ĝi havas fortikajn fostojn ĉe la kvaranguloj, la muroj kaj la tegmento estis faritaj el kanoj arte plektitaj, ĝi havas tegmenton rizpajlan […] [34]; la kovrilo estis desegnita por mi de Hans Pomeranz kaj li kreis artverkon [35].

Grava verko en iu arto, stilo, lando aŭ de iu homo: grava ĉefverko, kiun ĉiu Esperantisto devos posedi ^FK ; montri al alinacianoj, kiel belaj estas la ĉefverkoj de nia landa kulturo [36]; la ĉefverko de Bram Stoker, kaj la plej populara, estis Dracula [37]; en 1896 aperis en la germana lingvo lia ĉefverko Der Judenstaat (La juda ŝtato), rigardata kiel la fundamento de politika cionismo [38]; Cherpillod liveras al la franclingva esperantistaro gramatikan ĉefverkon, similan al la famaj PMEG kaj PAG [39].

Ĝis fino ellabori antaŭe komencitan verkon: subite li ekpensas pri sia tasko, la nefinita predikaĵo, sed li konscias, ke nun li neeble povas finverki ĝin [40]; mi ricevis vian leteron, en kiu vi instigas min finverki la romanon [41].

1.

Ellaboraĵo de submajstro elfarata kadre de sia majstra ekzameno: via majstroverko ne valoras multe, ĝi estas malnova kaj malbona tableto [42].

2.

Ĉefverko: Kalocsay – Waringhien, la genia duopo, […] en la Internacia Lingvo brile redonis la majstroverkojn de Heine kaj Baudelaire [43]; tiu ĉi lingvo – „majstroverko de logikeco kaj simpleco“, estu enkondukita en la oficialajn programojn de la sciencaj klasoj [44]; Thomas Hobbes […] en sia majstroverko „Leviatan“ ellaboris la ideon de homa socia kunlaboro pro propraj interesoj [45].

Verko kolektanta kaj sisteme prezentanta sciaĵojn pri iu temo, kun mencio de informfontoj; aŭ verko ofte uzata kiel referenco pri tiu temo: plej klaraj ekzemploj de hiperteksta konstruo estas referencverkoj [46]; Brockhaus Enzyklopädie, la plej bone konata tradicia referencverko en German-parolantaj landoj [47]; Plena Manlibro de Esperanta Gramatiko [estas] nuntempe la ĉefa kaj plej kompleta referencverko pri la gramatiko de Esperanto [48]. enciklopedio, kompendio

Ĉefverko (aŭ foje verkaro) de iu, kies ellaboro okupis precipan parton de lia vivo: ekskluzive prilingve verkis la franca licea profesoro Emile Grosjean-Maupin […], lia vivoverko, pretigita en kunlaboro kun aliaj kleruloj, estas la Plena Vortaro [49].