¹aŭtomat/o ^JED

1.

Maŝino kapabla mem regi ĉiujn, aŭ almenaŭ iujn, siajn funkciojn: biletvenda aŭtomato [1]; vetaŭtomato [2]; la aŭtomato elkraĉis al mi en la manojn la biletojn ^Metrop ; la movoj […] estis tiel ritmaj, ke homoj, kiuj plenumis ilin, ŝajnis aŭtomatoj [3]; trian fojon ŝi venis al la trinkejo por resti tutan tagon, malpli por konsumi ol por konsumiĝi ĉe la aŭtomato ĉiam mongluta, foje monŝuta [4]; librotena aŭtomato kun kontrolita aŭtomata saldo-kalkulado [5]; roboto

2.

(En teoria komputiko:) Abstrakta meĥanismo havanta finian nombron da „statoj“; „eksteran memoron“; kaj funkciadon regatan de finia aro da „reguloj“: finia aŭtomato; staka aŭtomato; turinga aŭtomato;

1.

Funkcianta per meĥanismo aŭ programo sen homa direktado: aŭtomata aparato; ni elvagoniĝis kaj per aŭtomata ŝtuparo malsupreniĝis [6]; ebligi […] aŭtomatan traserĉadon je citaĵoj [7]; aŭtomata administra sistemo [8]; aŭtomata lavmaŝino [9]; sin distri per aŭtomataj ludmaŝinoj [10]; aŭtomata pafilo (vd mitralo) [11]; aŭtomata ĝisdatigo de la indekso ne eblas [12]; renomaj firmaoj sendis (aŭtomatajn) retleterojn por averti nin [13]; la utila funkcio de la internacia lingvo por la estonteco, ekz-e por la aŭtomata traduko kaj informprilaborado [14]. meĥanika

2.

(figure) Farita kvazaŭ meĥanike, sen influo de la konscia volo: aŭtomata movo, laboro. aŭtomata membreco (sen eksplicita aliĝo) [15]; ekmovo bruta, aŭtomata, pli forta al ŝia volo [16]; per aŭtomata ekmovo, ŝi […] sin ĵetis sur sian liton [17]. meĥanika⁴, refleksa, spontanea

Laŭ maniero aŭtomata, meĥanika: flanka pordo aŭtomate malfermiĝis [18]; ŝi aŭtomate sin apogis sur la brakon de Arturo [19]; ŝi mem estas kvazaŭ horloĝo, ĉion farante aŭtomate [20]; aŭtomate la tero donas frukton, unue folion, poste spikon, poste plenan grenon en spiko [21]; li aŭtomate etendis la manon al la glavo [22]; ĉiuj tri ekgenuis antaŭ la ĉefpastro, kiu aŭtomate levis la manon, kvazaŭ por beni ilin [23]; mi aŭtomate iĝus ano de diasporo [24]. maŝine, tuj

Aranĝi de procezo tiel, ke ĝi funkcias aŭtomate, ordinare ĉenigante aŭtomatojn: procesoroj estas produktitaj en nombregoj pere de tre aŭtomatigitaj procezoj rezultigantaj en malalta kosto por unuo [25]; la mekanika kotonplukilo estas maŝino kiu aŭtomatigas rikoltadon de kotono en maniero kiu reduktas rikoltadan tempon kaj maksimumigas efikecon. [26].

La ago aŭtomatigi: dum la 20a jarcento […] aŭtomatigo forigis iom post iom la laboristojn [27]; en landoj kun malgranda laborkosto la grado de aŭtomatigo kutime estas pli malgranda kaj multaj taskoprocezoj estas faritaj mane [28].

Aŭtomato provizanta al identigita kliento bankajn servojn: bankbiletojn, konteltirojn...: en oktobro [1993] estis solene inaŭgurita en moskva hotelo Metropolj la unua rusa monaŭtomato [29]; ni […] elprenis iom da polaj zlotoj el la bankaŭtomato [30]; mia banko afable afiŝas ĉe la elpagaŭtomato, ke „pro via sekureco“ oni filmas min [31]; kelkaj monaŭtomatoj ne plu funkcias, kaj antaŭ aliaj staras longaj homvicoj [32]; estas ebleco ŝanĝi vian valuton (eŭrojn, dolarojn, ktp) en bankoj kaj monaŭtomatoj [33].

Aŭtomato, kiu eldonas varojn kontraŭ pago: ni vidis en Japanio vendoaŭtomatojn por ĉio, eĉ kravatoj [34].