^*brik/o ^UV

^*briko

1.: Negranda ortangula paralelepipeda bloko, plej ofte el argilo (bakita, kunpremita aŭ sunsekigita) aŭ el miksaĵo de kvarca sablo kaj kalko, uzata en masonaĵoj: la domo estis ĉirkaŭita de muro el palaj brikoj [1]; iru en kalkon, knedu argilon, faru fortajn brikojn [2]; [la] fasado konsistas el vidbrikoj malhelruĝaj (sen surmetita mortero) [3]; dronanto domon proponas, savito eĉ brikon ne donas (post la danĝero oni forgesas la promesojn) ^PrV.
2.: (figure) Baza elemento de tuto: oni devas malkombini [proteinon] per hidrolizo, ĝis la „konstrubrikoj“, aminoacidoj [4].
3.: (figure) Brikforma aĵo: briko da sapo; la faraono sidiĝis sur la oraj brikoj (en la trezorejo, kp ingoto) [5]; la fruktoj de la karoboarbo ebligas produkti ankaŭ karobobrikojn tute similajn al la ĉie vendataj ĉokoladobrikoj [6]. ŝtono, tegolo

1. B. Prus, trad. Kazimierz Bein: La Faraono, vol. 1, ĉap. 9a.
2. trad. L. L. Zamenhof: La Malnova Testamento, Naĥum 3:14
3. La Ondo de Esperanto, 2002, №2
4. I. E. Gál: Pri la analizo de proteinoj el nutradologia vidpunkto, Scienca Revuo, 1978:2 (130), p. 61a-70a
5. B. Prus, trad. Kazimierz Bein: La Faraono, vol. 3, ĉap. 14a.
6. Monato, Roberto Pigro: Sanige ... kaj sensukere, 2011

: Malgranda briko: samarkanda astronomia skolo, kies esploroj kaj malkovroj fariĝis kvazaŭ netakseblaj briketoj en la fundamento de la moderna astronomia scienco [7]; aperis alvokoj nepre ne aĉeti danajn varojn ĉu kolbasoj, lakto, insulino aŭ Lego-briketoj [8]. karbobuleto

7. Monato, Vitalij kaj Anatolij Ionesov: Mirzo Ulugbek: granda reĝo de astronomio, 2010
8. La Ondo de Esperanto, 2003, № 1