^*dorn/o

1.

Natura pikilo de vegetaĵoj: la malfeliĉulo ŝajnis sidi sur dornoj [1]; la knabino intence pikis siajn fingrojn kaj disgratis la manon per dorno por makuli la bobenon [2]; kiu per mallerta mano volis kapti rozon, tiu ne havas la rajton plendi, ke la dornoj lin pikis [3]! [li] vidas la dornon en la karno [4]; (figure) riĉulo havas kornojn, malriĉulo dornojn ^PrV . splito

2.

(plurale) dornhavaj plantoj: kiel rozo inter la dornoj, tiel estas mia amatino inter la knabinoj [5]; simila al la kraketado de dornoj sub poto estas la ridado de la malsaĝuloj [6]; mi draŝos viajn korpojn per dornoj de dezerto kaj per kardoj [7]; ĉio estas kovrita de dornoj, kaj la ŝtona muro estas detruita [8]; ŝi ekkuris inter pintaj ŝtonoj kaj dornoj, kaj la sovaĝaj bestoj saltis preter ŝi [9]; ni baraktis antaŭen preter dornoj kaj urtikoj [10]. vepro

3.

Pikilo simila al dorno: bukodorno. najlo, pinglo, pivoto, stifto

4.

(figure) Ĝenaĵo, malplezuro: dorno en la flanko de la loĝantoj estis Pigra Pego, kiu […] insiste bruaĉis ĉiun nokton [11]; kun la laŭroj, venis ankaŭ dornoj [12].

1.

Plena je dornoj: dornaj arbetoj [13]; ili […] plektinte dornan kronon, surmetis ĝin al li [14]; kiel dorna kano en la mano de ebriulo, tiel estas sentenco en la buŝo de malsaĝuloj [15]; granddornaj rampaĵoj [16]. pika¹

2.

(figure) Plena je ĝenaĵoj, malhelpaĵoj kaj malplezuroj: la dorna vojo de la honoro [17]. embarasi, impliki, malhelpi

Dornarbetaro. vepro