Haloven/o, Halovin/o

Popola festo en la nokto de 31a de oktobro ĝis 1a de novembro, kun maskoj, simboloj de magio kaj morto, populara precipe en anglalingvaj landoj de Eŭropo kaj Ameriko: ni havas la kutimon, kiel en diversaj landoj, ĉizi kukurbojn fari lanternojn por festi Halovenon [1]; Saveno, la unua tago de la jaro kaj samtempe sankta tago de mortintoj en kelta tradicio […] estas la antaŭulo de la moderna Haloveno [2]; aŭstroj festas „Ĉiujn Sanktulojn”, nun ankaŭ t.n. Halovinon [3]; hodiaŭ estas Halovino, ŭut! mi ne halovine min vestos [4].