partner/o ^PIV1

Kunulo:

a)

Kunpartoprenanto en entrepreno, en ludo: Ligo de Nacioj […] havigis al la Movado unuafoje ian partneron sur internacia kampo [1]; kiam temas pri partnereco: se malhonestulo estas partnero de honestulo, kiam la partnereco finiĝis oni neniam trovas ke la honestulo ricevas pli ol la malhonestulo [2]; koaliciaj partneroj de LDP spertis malvenkojn [3]; ni serĉas partnerojn por eŭropa projekto [4].

b)

Parulo: la ĉefa malfacilaĵo de la paro kuŝas en la fakto, ke oni tute ne scias kia estas la partnero, ĉar oni ignoras kia oni mem estas [5]; kelkaj poloj ĉirkaŭ ni ne normale tenas sian partnerinon, sed metis siajn brakojn trans ŝiajn ŝultrojn, por senti pli senperan proksimecon [6]; grandaj viraj misoj: troa memfido, maltroa atento pri la partnerino, ronkado kaj mensoga elokvento [7].

Rilati al iu kiel al partnero: li negocas kaj partneras kun tiuj, kiujn li deziras [8]; ni partneris kun Unio Planeda […], kiu nun subtenas la presadon de niaj revuoj [9].