1rol/o PV

rolo   Vikipedio

1.
KINTEA Ĉiu parto de teatra verko, ludata de ĉiu aparta aktoro: ludi la rolon de Hamleto; Hedwig Reicher ludas la rolon de Ifigenio Ifigenio .
2.  
(figure) Agado, funkcio de iu aŭ io, konsiderata en siaj efikoj: mi staras antaŭ vi ankoraŭ en rolo oficiala [1]; la sorto donis al mi rolon kvankam tre flatan, tamen samtempe ankaŭ tre ŝarĝan [2]; mi formetas de mi ĉian oficialan rolon [3]; por la rolo de lingvo internacia Esperanto estas nun la sola kandidato EE ; la kutimo ludas gravan rolon en la vivo [4]; ideoj […] ludontaj gravan rolon en la historio EE ; fi, vi ja ne volos ludi la rolon de erarinta filo [5]? ambaŭ postenoj estas efektive nur duontempaj, [do] eblas plenumi samtempe du rolojn [6]. VD:ofico, okupo, profesio, tasko
1. L. L. Zamenhof: Paroloj, Parolado antaŭ la Oka Kongreso Esperantista en Krakow en la 11a de aŭgusto 1912
2. L. L. Zamenhof: Paroloj, Parolado antaŭ la Kvina Kongreso Esperantista en Barcelona en la 6a de septembro 1909
3. L. L. Zamenhof: Paroloj, Parolado antaŭ la Oka Kongreso Esperantista en Krakow en la 11a de aŭgusto 1912
4. L. L. Zamenhof: Lingvaj Respondoj, 4. Fonetiko
5. Frederiko Schiller, trad. L. L. Zamenhof: La rabistoj, Akto Unua
6. Monato, Paul Gubbins: Unu regulo por riĉuloj, dua regulo por malriĉuloj, 2015
angle:
1. role (in theatre), part (in theatre) 2. role
beloruse:
роля
ĉeĥe:
role, úloha
france:
rôle
germane:
Rolle
hispane:
rol, papel 2. función, cometido
hungare:
szerep
ide:
rolo
itale:
ruolo
japane:
1. 役 [やく], 役柄 [やくがら] 2. 役割 [やくわり]
nederlande:
rol
portugale:
parte (que cada ator desempenha), papel 2. papel
ruse:
роль
slovake:
rola, úloha

roli  

1.  
Surpreni teatran, kinan, fikcian rolon: membroj studas proksime al la operejo kaj vespere rolas aŭ kantas en operaj prezentadoj [7]; la detektivo, Inspektoro Kramer, rolas nur kiel preteksto por reliefigi la verajn ĉefrolantojn en la romano [8]. VD:aktori
2.  
Partopreni en situacio, agi konforme al iu funkcio: kial Sud-Ameriko ne rolas pli aktive en Unuiĝintaj Nacioj [9]; pri la kolektiva konduto de homoj tute ne rolas genoj [10]; fekundiga polvo de floroj, kiu rolas kiel planta spermo [11]; en ambaŭ verkoj grave rolas ankaŭ sociaj rilatoj kaj kondiĉoj [12].
7. Juhász K.: Korusa konkurso, Monato, 2000:12, p. 14a
8. Monato, Boris Kolker: Inter la dek plej bonaj romanoj
9. Monato, Sud-ameriko, 93/12
10. Monato, Reago: Eks-Jugoslavio: kiu kiun mistifikas?
11. R. Roze: Vivisekcio de polenero, Monato, 1997:11, p. 12a
12. G. Berveling: Iom tro predikema romano, Monato, 2001:5, p. 30a
angle:
play a role
beloruse:
граць ролю
ĉeĥe:
účinkovat
france:
jouer un rôle, être impliqué dans
germane:
eine Rolle spielen 2. agieren (als)
hispane:
1. interpretar (un personaje)
hungare:
szerepel
itale:
recitare, impersonare, figurare
japane:
1. 役を演じる [やくをえんじる] 2. 役割を果たす [やくわりをはたす]
nederlande:
een rol spelen
ruse:
играть роль
slovake:
hrať, vystúpiť (v úlohe), účinkovať

rolisto  

KINTEA Aktoro: estas granda diferenco inter la prononckapablo de mezuma popolano kaj tiu de […] teatra rolisto [13].
13. Pejno S.: Re: Duoblaj konsonantoj, soc.culture.esperanto, 1998-11-29
france:
acteur
germane:
Schauspieler
hispane:
intérprete (actor)
itale:
attore

rolulo   Vikipedio

BELEKINTEA Persono prezentata en fikciaĵo, teatraĵo, kinaĵo, rakonto: entute la roluloj de Piron ŝajnas pupoj sen propra vivo [14]; spekti la rolulojn de populara brita televidserio komedia [15]; libro bezonas ankaŭ bonajn rolulojn [16]; vivrandaj roluloj [17]; ĉefa rolulo [18].
14. S. Johansson: Novelaro duepoka, Monato, 1998:2, p. 16a
15. Monato, William Simcock: Britio: Jarmila kupolo en Londono
16. Familio Macgill: June, nejune, pretertempe, Monato, 2001:7, p. 26a
17. Monato, Boris Kolker: Atentokapta sed ruĝkrajoninda
18. Monato, Garbhan Macaoidh: Renkontiĝo kun ŝrumpanta komunumo, 2003
angle:
character (in fiction)
ĉeĥe:
herec, představitel role
france:
personnage (de fiction), protagoniste
germane:
Figur (Fiktion)
hispane:
personaje
hungare:
szereplő
itale:
personaggio (lett., cin., teat.)
japane:
キャラクター [きゃらくたー], 登場人物 [とうじょうじんぶつ]
nederlande:
personage
ruse:
действующее лицо, персонаж, герой (произведения)
slovake:
herec, predstaviteľ úlohy

ĉefrolulo  

BELEKINTEA Iu el la ĉefaj roluloj en fikciaĵo, ofte aperanta, ofte aganta; heroo1.b, protagonisto: ni renkontas ses ĉefrolulojn, ĉiun en sia karcero, kiuj fine renkontiĝas unu post la alia kaj kunlaboras por eskapi el la inkubejo [19]; la ĉefrolulino […] estis la edzino de la reĝisoro [20].
19. Monato, Marteno Ecott: Kinarto: Inkubo en kubo
20. Monato, Bardhyl Selimi: Filmoj el socialisma erao, 2009
angle:
main character, protagonist
france:
héros (de récit), protagoniste
germane:
Hauptrolle, Protagonist
hispane:
protagonista
hungare:
főszereplő
itale:
protagonista (personaggio principale), personaggio principale, eroe (personaggio principale)
japane:
主人公 [しゅじんこう]
nederlande:
hoofdpersoon, protagonist

administraj notoj