²social/a ^JED

Koncernanta la bonajn vivkondiĉojn de homoj: socialaj reformoj [1]; socialaj programoj [2]; sociala loĝejo (loĝejo ludonata je favora prezo al malriĉuloj) [3]; vi ĉiuj fariĝas blindaj je la politikaj, socialaj kaj spiritaj danĝeroj ĉirkaŭantaj vin [4]; laŭ sociala vidpunkto, la grafo multe malsuperis sian amikon [5]; multajn oficojn oni konservas nur el socialaj kaŭzoj [6]; aperis la broŝuro De la Liberala al la Sociala Ŝtato [7]; „Pri Novaj Aferoj“ de Leono la 13-a (1891) estas la unua granda sociala encikliko [8]. socia

Doktrino, kiu celas egalecan socion per komuna posedo kaj politika administrado de la ekonomiaj rimedoj: dum la socialismo, kolego, nenion vi havos! – mokeme prononcas ies trankvila voĉo ^Metrop ; fine mi trairis al la scienca socialismo, al la plej novaj teorioj de Markso, Lenino, Bakunino, Bernŝtejno, Kropotkino, Kaŭckio kaj Pleĥanovo, al la teknokratismo, al la demokrata socialismo de la Fabian-Societo, de Velso kaj de la geedzoj Vebo [9]; en la socialismo estas tiom da sektoj kiom en la religioj [10]; en 1917, kiel estas konate, la socialisman movadon kaj la tutan mondon skuis la preno de la povo en Rusio fare de radikala socialista partio, la bolŝevika [11]. sociala kredito

Ano de socialismo: tute perfekta socialisto devus samtempe esti malriĉulo kaj kapitalisto, idealisto kaj materialisto, pacemulo kaj militisto, religiano kaj ateisto [12]; ĉiu honesta homo estas socialisto [13]; „Nigra mano“ […] eksendis bandojn, kaj incitis al pogromoj, en Varsovio polaj socialistoj tion malpermesis per armita junularo gardanta ĉiujn stratojn [14]; la ministroj-socialistoj estas voĉdonintaj por la kirasŝipo ^Metrop .