¹stud/i ^JED

(tr)

1.

Science, metode esplori ion: studi la proprecojn de iu substanco, iun vegetaĵon; li studas la simptomojn de la malsano [1]; mi havis multajn okazojn studi lian karakteron [2]; Matildo studis atentege la frazojn de sia amikino [3]; li tenis en sia mano prospekton de koresponda instituto kaj eksidis sur sia benko por studi la enhavon [4]. ekzameni¹

2.

Diligente labori (per kursvizitoj, legado, solvo de taskoj) por akiri la posedon de ia profunda scio, scienca fako ks: studi fizikon, filozofion; la specialajn sciencojn kaj artojn oni povas studi en la daŭro de la 4-jara komuna kurso [5]; Ezra pretigis sian koron, por studi la instruon de la Eternulo [6]; mi studis […] en la supera lernejo [7]; estas nepardonebla, ke tiu homo ne studis la medicinon [8]; li studis en Lepsiko [9]; studi hindajn arĥitekturon kaj artojn [10]; studi la kursojn de specialaj matematikoj [11]; baldaŭ studemuloj el la tuta mondo mondo povos studi ĉe ni [12]; mi eksciis, ke li sufiĉe multe studis esperanton [13].

Ago studi, rezulto de tia ago studoj kaj notoj pri la Internacia Lingvo [14]; la Grimm'ajn fabelojn ankaŭ la maturaj homoj ŝatas […] kiel materialon por folkloraj studoj [15]; mi ne bezonas pluajn teknikajn kaj teoriajn studojn en la muziko [16]; li taŭgas nek por studo, nek por ludo ^PrV .

Ago studi: studado de geografio, historio kaj parencaj sciencaj branĉoj [17]; li estis […] ne sufiĉe sukcesa por ricevi stipendion cele al plua studado [18]; leganto ĉerpos el studado de la libro novan fidon je la grandaj valoroj de Esperanto [19].

Verko resumanta la rezultojn de studado: tiu ĉi scienculo baldaŭ publikigos esperante rimarkindan studaĵon [20]; laŭ ĉi-koncerna studaĵo oni povas supozi ke trufoj pro la plifortiĝanta sekeco en la plej gravaj kultivoregionoj […] malprogresas [21]; vojaĝu […] kien vi volos: kaj vi revenos en pli bonaj kondiĉoj por fini la studaĵon, kiun vi komencis [22].

Iu, kiu studas: studanto de la unua kaj kvara jaroj legas ofte tiujn samajn verkojn [23]; la Kant’a analizo de la homa rezonado […] tre malhelpis al studantoj reteni sian pozitivan kredon je Dio [24]. studento

Ĉambro aranĝita por studado: sur seĝo post mi kuŝis violono, kiun mi jam rimarkis enirante la studejon [25]; la vilaĝa lernejestro estis en sia studejo […], la plej granda ĉambro en komforta domo [26]; mi eniris kurson ĉe la Vankuvera filma studejo (kp studio) [27]. kabineto¹, laboratorio

Kies studado eble donos interesan rezulton: studinda estas Memorlibro pri la Zamenhof-Jaro [28]; jen ankoraŭ tre vasta, studinda kaj pliprofundiginda tereno [29].

(tr)

Studi tute, trarigardante ĉion: mi iam trastudis lernolibron [30]; mi trastudis pli ol sepfoje la Malnovan kaj la Novan Testamentojn [31]; li do nur priparolis sian grandan deziron elstudi la hindan, mistikan filozofion [32]; kiel reĝisoro, li sukcese elstudis Filmartan Akademion en Praha [33]; tiu, kiu bone sin preparis, kiu serioze trastudis iun temon, estas ĉiam pli forta ol tiu, kiu ne agis tiel [34].