^*okcident/o ^UV

1.

Unu el la kvar geografiaj ĉefpunktoj, parto de la horizonto, kie oni vidas la sunon subiri: direktu viajn okulojn al okcidento kaj al nordo kaj al sudo kaj al oriento [1]; [ili] haltis kaj poste sin turnis al la okcidento, al Nilo [2]; via idaro estos kiel la polvo de la tero, kaj vi disvastiĝos okcidenten kaj orienten [3].

2.

Terparto, regiono direktata al la okcidento: homoj en la oriento, homoj en la okcidento ^FK ; la Monto de Olivoj disfendiĝos en la mezo en du partojn, de oriento ĝis okcidento, tiel, ke fariĝos tre granda valo [4]; oni timos en la okcidento la nomon de la Eternulo [5]; en tiu ĉi ne esplorita okcidento povas eble troviĝi ne konataj al ni interesaj landoj ^EE .

Okcidenta Eŭropo kaj Nordameriko precipe pro komuna historia, religia kaj kultura-politka fundamento: komerco kun la nekonataj popoloj de Oriento kaj Okcidento [6]; meze inter Oriento kaj Okcidento kuŝas Litva lando ^VivZam ; pro la malapero de la Varsovia Pakto kaj de Sovetio […] Okcidento perdis gravan militan kaj politikan rivalon [7]; la Gregoria kalendaro, uzata en Okcidento [8]; en la tuta Okcidento, neniu lernejo uzas nur la gestlingvon [9]; en okcidento landnomo estas derivata el gentnomo; en oriento inverse [10].

Rim.: Tiusence, Okcidento pliofte aperas kun majusklo.

Rim.: La nocio tre varias laŭ epokoj kaj parolantoj. Ĝi ofte inkludas Nordamerikon, foje etendiĝas al tuta Eŭropo norda, suda kaj orienta ĝis Turkujo aŭ Rusujo. Ekonomikaj aŭ politikaj difinoj, kiaj „riĉaj landoj“ aŭ „kapitalismaj landoj“ ne plene koincidas kun iu ajn el la celataj sencoj. [ĵv]

Situanta en okcidento aŭ de tie venanta: sur la orienta flanko, […] la okcidenta limo [11]; [jen] etendiĝis la malnova Skagen kun sia okcidenta kaj orienta urbo [12]; la ideo de Kolumbo [estis], ke devas ekzisti okcidenta vojo Hindujon ^EE .

Loĝanto de Okcidento: la atmosfero, saturita de intergenta malpaco […] al Okcidentanoj, antaŭ mondmilito, ne tiel klare […] aperis ^VivZam ; se UN decidus frostigi tiun monon, kiu profitus? Okcidentanoj [13]; la manĉura lingvo estas pli bone konata inter la okcidentanoj sub la nomo de tungusa, apartenanta al la altaja lingva familio [14].

(prepoziciaĵo)

1.

Ekster, pli okcidente ol: la popolo starigis la tutan tendaron […] okcidente de la urbo [15]; tiu kanalo, ducent paŝojn larĝa, sin etendis kelkdekon da mejloj, okcidente de Nilo [16].

2.

En la okcidenta parto de: mi naskiĝis en 1958, en urbo Erak (okcidente de Irano) [17].

Rim.: Por eviti miskomprenojn oni prefere esprimas tiun sencon per „en la okcidento de“.