^*ankoraŭ ^UV

(adverbo)

1.

Ĝis la nuna momento: estis ankoraŭ trankvile kaj varme [1]; fenomeno, kian li vidis ankoraŭ neniam [2]; la sukceso ankoraŭ ne estas certa; elmeti sin al ia ankoraŭ ne konata danĝero [3]; homo ankoraŭ juna [4]; Vilfrido ankoraŭ ne venis, jam malfruiĝis [5]. daŭre¹, jam, plu

Rim.: Oni metu ankoraŭ antaŭ la nea vorto: ankoraŭ neniam [6]; mi scias ankoraŭ nenion [7]; ankoraŭ neniu plaĉis al ĉiu ^PrV ; tio ĉi estas miskomprenebla kiel „ne plu“: ^ˣŝiaj fortoj ne estis ankoraŭ ruinigitaj^{ˣ Marta} .

2.

Aldone, krome:

a)

t.e. al antaŭa io aldoniĝas alia(j) simila(j): la viro parolis ankoraŭ kelkajn vortojn [8]; ili estis en la distanco de ankoraŭ unu mejlo de la tero [9]. plia²

b)

(plejparte kun antaŭa „kaj“) enkondukas neatenditan kroman cirkonstancon: ni devos ellernadi nur unu fremdan lingvon — kaj ankoraŭ tre facilan [10]; revizoro el Peterburgo, inkognite — kaj ankoraŭ kun sekreta ordono [11]. cetere, plie¹

3.

Kun komparativo ĝi indikas pluan pliigon: la nigra arbara limako fariĝis ankoraŭ pli nigra [12]; en la krepusko la ĉambro fariĝis ankoraŭ pli alloga [13]; ŝi estis ankoraŭ multe pli bela ol hieraŭ [14]. eĉ¹, ĉiam pli

4.

Denove, ree, plue: ripetu la lecionon ankoraŭ unu fojon; ili ankoraŭ unu fojon [...] dancis [15]; se li divenos ĝuste, tiam li devos veni ankoraŭ du fojojn [16].

5.

Jam tiom frue: ankoraŭ en la ventro li retenis sian fraton, kaj viriĝinte li luktis kun Dio [17]; ankoraŭ en la fino de l’ jaro 1887, t.e. ankoraŭ antaŭ la ricevo de mia libreto, la Amerika Filozofia Societo en Filadelfio (…) elektis komitaton (…) [18].

Plua, daŭriganta, aldonata: ni […] verkis ankoraŭan strofon [19]; kion pensi pri la ankoraŭa diskriminacio kontraŭ gejaj kaj lesbaj fiduloj, kion pensi pri la ankoraŭa malpermeso uzi kondomojn [20]. plia²