3atribut/o

atributo

1.
Eco, per kiu oni povas rekoni ion:
a)
FIL Esenca eco de objekto aŭ fenomeno, sen kiu ili estus io alia: Kartezio agnoskis du atributojn: la etendon kiel atributon de la materio, kaj la pensadon kiel atributon de la animo. al ŝi mankas la atributoj de moderntempaj knabinoj [1]; ĉu estas amo, se iu junulo ekŝatas la buklojn, la ĉapelon kaj la pudron de iu junulino, ŝiajn ornamaĵojn ? – mi supozas, ke tiaj atributoj donas indikon pri la homo mem, kaj unu homo ekŝatas alian, kiam li trovas ĉe tiu la kvalitojn, kiujn li mem trovas bonaj kaj agrablaj InfanTorent2 ; [li] aligas al la trono atributojn de malsanula seĝo – radetojn, klisterilon, pelveton [2]; feŭda „krimhistorio“ kun ĉiuj konformaj atributoj – venĝo, dueloj, fantomo [3]. VD:atribui2
b)
BELA Distingilo, insigno, emblemo de ia metio, korporacio, dio, uzata precipe en belartoj: pesilo estas la atributo de la juĝpovo; rado kaj globo estas atributoj de Fortuno; unu el la atributoj de ĵiloj estas simpla balaileto el salikaĵoj [4]; la pentraĵo memorigas pri […] krono, ĉi tiu reĝa atributo estas la ĉefa akcento sur pakumoj de ĉokolado [5].
c)
KOMP Regule agordebla aŭ konsultebla eco de komputada objekto en programo, operaciumo aŭ en datumbanko: ekzemple la longo de ĝia interna prezento; datumtipo, valoro (de variablo); longo, koloro, tiparo uzendaj por la ekstera prezento; la atingopermesoj de dosiero.
2.
(evitinde) =predikativo
1. Stellan Engholm: Vivo vokas, VII.
2. kien_fluas, . Ŝtupoj al idealo
3. kien_fluas, . Ŝtupoj al idealo
4. Monato, BELGIO: Fama karnavalo en Binche
5. Monato, Antanas Grincevičius: Ĉokolada konflikto, 2003
angle:
 attribute
beloruse:
 атрыбут
bulgare:
 атрибут
ĉeĥe:
 atribut, kontrolní nebo přídavný znak, symbol
france:
 attribut
germane:
 Attribut 1.a charakteristisches Merkmal, wesentliche Eigenschaft, Attribut 1.b Wahrzeichen, Sinnbild, Insignie, Symbol
hebree:
 תְכוּנָה
hispane:
 atributo
hungare:
 attribútum
itale:
 attributo 1.b simbolo
katalune:
 atribut
pole:
1. atrybut
portugale:
1.a atributo 1.b atributo 1.c propriedade
ruse:
 атрибут
slovake:
 atribút, príznak, vlastnosť
ukraine:
 атрибут

administraj notoj