^*gvid/i ^UV

(tr)

1.

Montri la ĝustan vojon.

a)

Montri la vojon, irante kun iu kaj helpante al li por atingi la celon, kiun li intencas trafi: gvidi blindulon, vizitantojn, fremdulojn en urbo, en muzeo; „nu, mi malsatas,“ ŝi diris, kaj ilin gvidis restoracien [1]; [li] la veninton gvidis salonen [2]; gvidu min kaj konduku min [3]; (figure) [li] gvidis la publikon tra la manĝa kulturo de la Roma Imperio [4]; (figure) tiu ĉi demando gvidos min al la radikoj de la malfeliĉo, kiun mi sentas [5]; (figure) aliajn gvidas kaj mem ne vidas ^PrV . akompani, ĉiĉeroni, eskorti

b)

(io) Montri la linion ĝuste kondukantan al la celo; direkti la movon al la celo: la polusa stelo gvidis la iradon de la esploristoj; ŝtonamasetoj gvidis nin laŭ pado al la montpinto; Vilhelmo staris kun la hokstango en rekta pozo en la boato kaj gvidis ĝin tra la gaja svarmo [6]; al tiu aperturo gvidis interne vojeto, tiel, ke [li] povis elveni [7]; la kortoj gvidis ĝis la bordo de la rivereto [8]; (figure) la revigliĝo ekis iam komence de la 21-a jarcento jaroj kaj gvidis al la refonda kunveno [9]. konduki

2.

(iu aŭ io)(figure) Sciigi, klarigi, organizi la agadon ĝustan por iu celo, agi kiel vojmontranto: gvidi la publikan opinion; li ne sciis gvidi la aferojn [10]; mi gvidis paroĥon tiuregione dum kvin jaroj [11]; gvidis la kurson iu […] singapura ĉino [12]; mi devas gvidi la ellaboradon de la ĉapeloj ^Marta ; de elekto lia ⫽ Dependas farto de la tuta regno, –⫽ Li tial devas gvidi la elekton [13]; oratoro devas precize scii kun kiu li gvidas sian publikan konversacion [14]; oni kuiris […], oni kirlis kaj distilis, en pistujoj oni pistis spicojn, ĉion gvidis nejuna sinjoro [15]; ŝi nur povos gvidi iamaniere la disvolviĝon de lia karaktero kaj meti en lian junan koron semojn de Diotimo [16]; Ho Eternulo, gvidu min laŭ Via justeco [17]; se nin ne gvidus fera konstanteco, nia lingvo jam de longe ne ekzistus [18]. direkti, konduki⁵

Kiu gvidas: gvida stelo [19]; starigu al vi gvidajn ŝtonojn, aranĝu al vi vojsignojn [20]; la Fundamento de Esperanto devas troviĝi en la manoj de ĉiu bona esperantisto kiel konstanta gvida dokumento [21]; gvida ideo [22]; la gvidaj principoj de la Asocio [23]; ŝtatestroj en gvidaj pozicioj [24]; prudentulo akiros gvidajn kapablojn [25].

Ago de iu aŭ io, kiu gvidas: laŭ sia propra gvido labori [26]; fidinta […] la gvidon de la steloj [27]; mi lasas min al via gvidado [28]; mi mem prenos sur min la gvidadon pri viaj studoj [29]; komercistoj, farantaj kontraktojn sub la gvido de skribistoj [30]; tie li trovos, senpere de la dio mem, inspiron kaj gvidon [31]; amatoraj grupoj, kelkfoje sub gvido de profesiaj reĝisoroj, […] prezentas teatraĵojn [32]; laŭ sia propra gvido (proprainiciate) labori [33]; gvidado de kurso; riĉeco sen gvido, kiel ĉevalo sen brido ^PrV .

1.

Io, kio servas por gvidi: vipas ĉevalojn, tiklas flanke per gvidilo (brido) [34]; (figure) tiu principo servis al li kiel gvidilo dum lia tuta vivo; plej bona gvidilo estas la lango (ĉar ĝi ebligas informi kaj informiĝi) ^PrV .

2.

Gvidfolio, gvidlibreto, dokumento, kiu gvidas: la organiza komitato publikigis kompletan gvidilon pri la kongresa urbo; biografiaj gvidiloj [35]; Gvidilo tra la Esperanto-Movado [36]; Esperanto-Gvidilo por la Ruĝa Kruco [37]; verkante la unuan turisman gvidilon pri Santiago de Compostela [38]; en la sama retpaĝaro estas ankaŭ gvidilo […] por meti la referencan bildeton sur nove kreita paĝo [39].

Homo, kiu profesie gvidas, ebligas iradon aŭ veturadon laŭ ĝusta vojo.

a)

Homo kiu gvidas veturilon, kondukante kiel piloto, aŭ prefere elektante la vojon kiel navigaciisto la ŝipgvidisto estis homo prudenta, – tial li aŭskultis la interparoladon silente [40].

b)

Homo, kiu profesie gvidas vojaĝantojn: du gvidistoj, senditaj por serĉi la malfeliĉajn turistojn, revenis, ne ilin trovinte [41].

c)

Homo, kiu gvidas la agadon de grupo: via ekscelenco ordonis doni al iu oficiro kvincent bastonbatojn, kaj pendigi la gvidiston [42]; la gvidistoj de la politikaj partioj anoncis la 22an de novembro ke ili kunlaboros [43].

Trompa, gvidanta al malĝusta direkto, malĝusta opinio: tia misgvida informo povas esti tre malutila al la publika sano [44]; svarmis misgvidaj esprimoj, kiuj kaŭzis multe da malbono [45].

Gvidi erare, trompe ktp: li eble intence misgvidis lin ^ChB ; vi lasas vin misgvidi de via psikologa trejniĝo ^ChV ; apliki al […] la organizaĵoj […] la ideon de suvereneco […] estas esence erara kaj misgvida ^EeP ; [ili]j senkonscie estas misgviditaj per argumento ^Rsp ; tiujn terminojn mi opinias misgvidaj ^BonaLingvo . deklini, deviigi, devojigi, logi, persvadi, tenti

Tiu, al kiu estas komisiata la gvido de komerca afero kontraŭ salajro aŭ parto de la profito: ĉeestis nur oficistoj: afergvidantoj, sekretarioj, librotenistoj, teknikistoj ^Metrop ; afergvidanto de la sun-energia asocio Austria Solar [46]; 15 procentoj de la uzataj gluiloj baziĝas sur rekreskantaj krudmaterialoj, diras afergvidanto de la asocio [47]. direktoro, manaĝero, mastro

1.

Trovi la direkton: sin gvidi per palpado en la mallumo; ĉiu sin gvidas, kiel li vidas ^PrV .

2.

Orientiĝi laŭ ...: [ili] gvidas sin per kaprico aŭ per ia antaŭjuĝo ^Marta ; mi gvidas min en la vivo per la sekvantaj principoj [48]; la specialistoj devas sin gvidi je tiuj samaj reguloj, laŭ kiuj oni kreas ilin en ĉiuj lingvoj [49]; la lingvo Esperanto ĝuste per tiu ĉi leĝo sin gvidis [50].