^*kamer/o ^UV

1.

Izolita ĉambro specialcela, eble senfenestra kaj nehejtata: radio de la subiranta suno enfalas en la nudan kameron (en malliberejo) [1]; en la angulo apud la forno el simplaj brikoj estis negranda kamero por kuirado ^Marta ; trinkinte teon ŝi iris en la malluman kameron, kie oni tenis valizojn kaj kie, en du ŝrankoj, estis diversaj malnovaĵoj [2]; li respondas per absurdaĵoj aŭ rifuzas respondi, kaj nur petas pri tio, ke oni lin kaŝu en blenditan kameron sub armitan gardon [3]; ligna septo […] dividis la kajuton en du kamerojn [4]. ĉelo¹, fako, kupeo

2.

Parto de aparato, maŝino, vivula organo, prezentanta fermitan spacon: kameretoj de la koro (aŭrikloj kaj ventrikloj); kamero de revolvero, de reakcia motoro; la oscilanta aerkolumno eniris la boraĵon de la fluto, kiu funkcias kiel kamero resonanca, amplifante la sonon [5]; nebulkamero (alinome Vilson-kamero) povas montri spurojn de la jonizaj radioj, ŝargitaj korpuskloj [6].

3.

Interno de reprodukta aparato (fotilo, kamerao, k.s.), kie projekciiĝas bildo sur la filmon aŭ lumsensoron: solargrafo estas miniatura trueta kamero, […] kiu fotas la sunon en la ĉielo inter du solsticoj [7]; la originalan bildon oni kuŝigis en reprokamero, kaj tie oni kreis ekranigitan version sur papero [8]. senluma kamero

4.

^SPV Kamerao: la televida kamero ne kapablas portempe fiksi la bildon, sed tuj surekranigas ĝin [9]; kameroj estis instalitaj en la metrostacio [10].

5.

(evitinde) Ĉambro²: la malsupra kamero de la afgania parlamento [11].

Fermita ĉambro por mortigo per venena gaso, kiun uzis nazioj por ekstermado de judoj kaj aliaj grupoj dum la dua mondmilito: ŝi pereis la 9-an de aŭgusto, mortigita per la gaso Ziklon-B en gaskamero [12]; la infano, kiu desegnis la linogravuraĵon, Petr Ginz, egale katastrofe pereis, en gaskamero en Aŭŝvico en septembro 1944 [13].

Malluma ĉambro aŭ kesto kun truo, tra kiu objektoj projekciĝias: la lumo […] estas enfokusigita per la lenso sur la retino kie ĝi formas bildon similan al tio formita per lumo pasanta tra pinglotruo en senluma kamero [15]; ĉi tre similis al miniatura, senfine preciza kaj delikata fotografaparato, […] antaŭe brila, konveksa lenso, post ĝi sferforma kamero obskura [16]; optika rimedo por vidi objektojn pligrandigitaj pere de senluma kamero [17].