²forum/o ^JED

1.

(majuskle) Placo de antikva Romo, kie la popolo pritraktis la publikajn aferojn: la suno transiras al la templo de Jovo la Kapitola kaj komencas brili deflanke sur Forumon [1]; Klaŭdio la unuan fojon eniris la Forumon en siaj konsula robo kaj insignaro [2].

2.

Loko, organiza kadro, en kiu oni diskutas pri publikaj aferoj: la forumoj […] eksvarmis per homoj [3]; multaj […] lingvoj sonis ĉi-salone, kiel en giganta babela forumo [4]; la oratoraj konkursoj estas taŭga forumo, en kiu gejunuloj de diversaj nacioj […] povas libere interŝanĝi ideojn kaj aŭdigi siajn voĉojn [5]; la Kongresoj de TEJO nun alprenis la karakteron de forumo, en kiu la partoprenantoj priparolas difinitan kongresan temon [6]; okazis ses forumoj: pri membreco kaj kotizoj, buĝeto kaj financoj, konsciigo, kapabligo, kunordigo kaj komunumaj aferoj [7]; la Junulara Forumo de UNESKO [8]; la Monda Ekonomia Forumo de Davos [9]. konsilio, panelo⁴, platformo⁴

3.

[10] Nefermita diskutgrupo en malloka komputila reto: forumoj por diskuto / spertinterŝanĝo inter la lernantoj [11]; forumo, simila al Reddid, en kiu vi povas enmeti kontribuaĵojn, kiel artikoloj, bildoj aŭ filmoj [12]; ni lanĉis ankaŭ kunlaboran forumon „Interredaktore“, enkadre de kiu ni distribuadis per retpoŝto diversajn artikolojn al redakcioj de E-gazetoj [13]. afiŝi

Rim.: Laŭ BL: (en retaj kuntekstoj) ankaŭ eblas diri diskutejo.