^*38jur/o ^PVEF

Aro da reguloj, kiuj difinas la rajtojn kaj devojn de la homoj aŭ kolektivoj, kaj kies malrespekto povas sekvigi socian formon de juĝo aŭ puno: pozitiva juro (difinita de la leĝoj aŭ aliaj normaj tekstoj, kp natura juro); Konferenco pri la Juro de Traktatoj [1]; mi prenis la dokumenton de aĉeto, la sigelitan laŭ juro kaj leĝo [2]; [tiuj] estroj […] abomenas juron kaj kurbigas ĉion rektan [3]; laŭ la leĝoj de la ĝenerala juro [4]; oni instruadis ne nur la parolarton, sed ankaŭ la filozofion kaj la juron [5]; li interesiĝis pri literaturo, lernis dialektikon kaj juron [6]; la interpretado de la juro estas unu el ĉefaj kaj plej malfacilaj taskoj de juĝeja oratoro [7]; la ŝanĝitaj cirkonstancoj postulis amendojn por konformigi la Statuton al nederlanda juro kaj havigi al UEA sendependan juran personecon [8]; jurmedicina vizaĝrekonstruo laŭ la trovita kranio similegas al la portretoj konataj de Koperniko [9]. jurfilozofio; jurhistorio; jursociologio; juroscienco. juĝo, justeco, jurisdikcio, leĝo¹, puno, verdikto

1.

Koncernanta la juron: juraj konsiloj [10]; jura konsilisto [11]; neniun oni rigardu kulpa antaŭ deca jura esploro [12]; [ni] devas analizi la aferon el fakta kaj el jura vidpunktoj [13]; mortigo de homo estas krimo laŭ ĉiuj juraj sistemoj de la hodiaŭo [14]; asignisto, ĉi-kaze funkcianta kiel jura konstatisto, envenis [15]; jura procedo [16]; juraj normoj; juraj sciencoj. juĝa

2.

Difinita de la juro: jura persono; jura protekto; atingi eksplicitan juran rajton instrui Esperanton en la lernejoj [17].

Fakulo pri juro: studento juristo en Neapolo [19]; kvankam juristo, li estas […] sufiĉe honesta kaj sincera viro [20]; ni, juristoj, efektive estas ne multe pli ol speguloj [21]; la helpo de fakuloj-juristoj estas deviga en ĉiuj pli gravaj civilaj aŭ kriminalaj procesoj [22]; mi konsultis juriston el la prokurorejo, kaj li diris, ke mi havas nur ‚cirkonstancajn akuzfaktojn‘ kontraŭ vi [23]; Internacia Esperanto-Asocio de Juristoj [24]. advokato¹, juĝisto, notario, prokuroro

Reguloj kaj principoj regulantaj la rilatojn inter ŝtatoj (kaj kelkaj pliaj apartaj institucioj, ekz-e Sankta Seĝo, Suverena Milita Ordeno de Malto k.a.): li faris pli ol 300 prelegojn […] pri internaciaj rilatoj kaj internacia juro [25]; elstaras la studoj de I. Lapenna, La Lingva Problemo en Internaciaj Rilatoj kaj Kelkaj Aspektoj de la Lingva Problemo en Internacia Publika Juro kaj Kompara Juro [26].

juro de la eklezio, pli konkrete de la romkatolika: la malpermeso de interezo laŭ la kanona juro enpenetris la svedan mezepokan juron, sed poste ĝin anstataŭis malpermeso de interezo super certa nivelo [27];

Juro bazita ne sur skribitaj leĝoj, sed sur tradicio kaj kutimoj: la militjuro, fiksita en la internacia kutimjuro kaj en kelkaj internaciaj traktatoj [28].

Principoj kaj reguloj de interrilatoj derivitaj el la homa naturo: la ideo pri natura juro troviĝis jam ĉe Aristotelo [29]; la natura juro estas sistemo de juraj normoj, kies fundamento estas en la ordo de la objektoj mem kaj en la naturo de la homo [30]. moralo

Juro fondita en la antikvo unue en Romo kaj poste aplikata en la tuta roma imperio: la skolastika pensado estas ofte rigardata kiel kunfandiĝo de tri spiritaj tradicioj: la unua estas la filozofio de Aristotelo, la dua estas la biblio kaj la tria estas la romana juro [31].

Studo pri juro, pri ĝia organizo kaj funkciado: Georg Heym […] ekstudis sen la plej eta emo jurosciencon [32].