^*just/a ^UV

1.

Konforma kun la leĝo kaj juro: juĝu la popolon per juĝo justa [1]; justa decido [2]. rajta, leĝa. legitimi

2.

Respektanta egale kaj senpartie la rajtojn de aliaj homoj, kaj haviganta al ĉiu lian apartenaĵon: tiu homo estis honesta, justa, diotima [3]; nia provincestro estas severa, sed justa [4]; la sola morale justa kaj praktike paciga intergenta principo devas esti plena sendependeco de ĉiu lando de la religio kaj lingvo de ĝiaj loĝantoj [5]; ni devas esti justaj, ni devas taksi ĉiun homon ne laŭ lia venko aŭ malvenko, sed laŭ liaj laboroj [6]; vi tiun ĉi fojon denove forlasos mian domon […] ne trovinta plenumon por viaj justaj (pravaj) postuloj ^Marta ; ŝi estas prava, sin eltirinte el mia justa kolerego [7]. egala^1.b, ekvilibra, ĝusta, prava

1.

Karaktero de tio kio estas konforma je la juro: ĉio estas farata laŭ rajto kaj justeco [8]; li decidis forkuri de la justeco [9]; kanajlo […], kiu falsas la leĝojn kaj kovras per arĝento la okulon de la justeco [10]; la justeco proponas al vi liberecon, kaj vi ja efektive estas jam ĝiaj kaptitoj [11]; pardonemeco superas justecon ^PrV .

2.

Morala virto, pri kiu oni respektas la rajtojn de proksimulo: justeco, egaleco kaj frateco inter la popoloj en la praktiko estas plene ebla [12]; fidante al la dia justeco, ŝi atendis [13].

Ne justa: maljusta kondamno [14]; maljustaj kompromisoj [15]; vi estas maljusta kontraŭ mi [16]; se kontraŭ iu stariĝos atestanto maljusta, akuzante lin pri krimo […] [17]; maljustaj trezoroj ne donas utilon [18]; sonis ankoraŭ en ŝiaj oreloj la maljustaj riproĉoj [19]; li riproĉegis, li estis maljusta kaj senindulga [20].

Maljusta ago: suferi, toleri, venĝi maljustaĵon; ne faru maljustaĵon en la juĝado, ne estu partia [21]; kriantaj maljustaĵoj kaj perfortaĵoj, kiuj ĉiutage kaj sur ĉiu paŝo estas farataj de la plimulto de loĝantaro kontraŭ la malplimulto [22]; kompensi al ŝi la maljustaĵon ^Marta ; ŝi aŭdis nenion krom moka maljustaĵo ^Marta ; lia tuta animo bolis de indigno pro tiu maljustaĵo [23]. difekto, domaĝo

Manko de justeco: socia maljusteco [24]; lingva maljusteco [25]; maljusteco de la fatalo [26]; mi krias pri maljusteco, sed mi ne ricevas respondon [27]; ega maljusteco, ŝuldata ne al ia manko en li, sed al la internaj malamikoj [28].