^*kamp/o ^PV

1.

Ebena aŭ limigita spaco, en kiu okazas io:

a)  ↝

Terpeco, ebena aŭ preskaŭ ebena, kulturita aŭ kulturebla: tritikaj kaj hordeaj kampoj; kampaj floroj [1]; la Eternulo kreis el la tero ĉiujn bestojn de la kampo kaj ĉiujn birdojn de la ĉielo [2]; iru sur la kampon kaj ĉasu por mi ĉasaĵon [3]; plugi […] kampon [4]; prisemi la kampon [5]; ni ligis garbojn meze de la kampo [6]; sur la kampo ondiĝadis la greno [7]; li serĉas la venton sur la kampo ^PrV ; la brilo de la nordlumo super la glaciaj kampoj de Laplando [8]; la neĝaj kampoj [9]. agro

b)

Loko, en kiu io okazis: kampo de l' mortintoj ^BdV ; la kampo de la batalo [10].

c)  ↝

Loko, inter kies limoj efikas ia ago: operacia kampo (parto de la korpo, kiun trafas operacio). medio

d)  ↝

Sumo de la aferoj, kiujn atingas ia agado: kampo de laboro, de aktiveco; la kampo de la historio prezentas multegajn enigmojn; politika kampo [11]; tio multe vastigas la kampon de gaela filologio [12]; riskoj […] troviĝas en kvar kampoj: bruo, lumo, bestoj kaj vido [13]; tiu temo malfermas kampon al (ebligas) plej granda fantazio; prepari kampon por mondpaco. areno, regiono, spaco, tereno

2.

Difinita parto de areo:

a)  ↝

(pp sportaj aŭ tabulaj ludoj) Unu el la areoj, kie unuopa ludanto, ludfiguro aŭ teamo laŭregule povas esti: nigra, blanka, libera kampo; reĝo moviĝas […] al libervola el la najbaraj kampoj [14]; fako¹, ĉelo²

b)  ↝

(komune) Ero de formularo: en la kampo „Nomo:“ indiku vian familinomon en ĝia nacilingva formo.

c)  ↝

Kolora parto de la fono de flago aŭ blazono: blua ankro kaj blua ŝlosilo kruciĝantaj sur blanka kampo ^FK ; blanka aglo kun krono sur ruĝa kampo [15]. fono¹

3.

Spaco, en kiu efikas fizika forto: kiel la elektran kampon, oni povas difini la magnetan kampon per la forto, kiun ĝi produktas [16]; [la] kosmosondilo […] foriras el la tera gravita kampo kaj superas la eskapan rapidon [17].

4.  ↝

[18](fakula ĵargono, ofte uzata en fiziko) Bildigo de iu parto de finidimensia eŭklida afina spaco , provizita per orta ununorma koordinatsistemo, al iu reela vektora spaco: skalara kampo (la celo-aro estas la aro de reeloj), vektora kampo (la celo-aro havas pli ol unu dimension); studi la kampon de temperaturoj en varmigita objekto, la kampon de rapidoj en moviĝanta solido; elektra kampo. diverĝenco, gradiento, kirlo, laplaca operatoro.

5.  ↝

Ano de rikordo: havigi valoron al […] kampo de rikordo [19].

(ntr)

Loĝi en kampoj, stariginte provizorajn loĝejojn aŭ tendojn por trupo aŭ armeo: la Romanoj kampis en tiu valo; la skoltoj kampas en la arbaro; ni ankoraŭ kampis ĉe la Saskuankujo kaj atendis la tagiĝon por intertrakti kun la komanĉoj [20].

Loko, en kiu oni kampas: fortikigita vintra militkampadejo de romianoj sur la suda bordo de Danubo [21]; en la jaro 841 la vikingoj establis okaze de rabekskurso kampadejon en Dubhlinn (nigra lageto) [22]. tendaro

Aro de la kampoj, precipe kontraste al la urboj, pejzaĝo karakterizata de kampoj: ni eliru sur la kamparon, ni enloĝiĝu en la vilaĝoj [23]; kien ajn li eniris, en vilaĝojn aŭ en urbojn aŭ sur la kamparon, ili demetis la malsanulojn sur la placoj [24]; la urboj de la kamparo [25]; multaj supreniris el la kamparo al Jerusalem antaŭ la Pasko, por sin sanktigi [26]; ni loĝis en la kamparo, en bieno [27]; ĉu ni ekĝuu kamparan vivon, aŭ ĉu ni entreprenu postedziĝan vojaĝon [28]?

Loĝanto en la kamparo, precipe terkulturisto: nia maljuna amiko renkontiĝis kun kamparano, kiu pelis bovinon [29]; la kamparano saltis sur la ĉevalon kaj forrajdis [30]; ni havis la feliĉon koni […] kamparaninon, al kiu ni ŝuldas la plej belajn rakontojn [31]; nobelo promesojn disdonas, kampulo promesojn plenumas ^PrV ; ofte ĉapo de kampulo kovras kapon de saĝulo ^PrV .

Terkulturisto: Esav fariĝis lerta ĉasisto, kampisto [32]; pluganta kampisto ^BdV ; Viktorka estas filino de kampisto el Zernov [33].

Batalejo: neniam plu detranĉu la brakojn al la malamikoj, falintaj sur la batalkampo [34]; kvankam homo povas venki mil malamikojn sur batalkampo, tamen estus pli glora venkinto, kiu venkis sin mem [35]; la mondvastaj elektronikaj, precipe komputilaj kaj interretaj, sistemoj ŝajnas fariĝi batalkampo de la estonteco [36].

Temaro, objektaro, kiun oni esploras: aperis pluraj novaj esplorkampoj en biologio (interalie genetiko kiel scienco pri heredo, ekologio, kiel scienco pri lukto por vivo, apartaj esplorkampoj kiel evolua fiziologio, evolua biokemio, ktp) [37]; vidu la rilatojn al aliaj grandaj kaj gravaj esplorkampoj, ekzemple astronomio, genetiko aŭ spacveturado [38]; mia esplorkampo rilatas al la analizo de la hungara lingvo cele al parolsintezo [39].

Kampo, temaro, aferoj, pri kiuj oni laboras: dum mia ĵurnalista kariero ‐ kiel okazas en multaj laborkampoj ‐ jam plurfoje mi devis lerni novajn teknikojn [40]; miaj specifaj interesoj en mia laborkampo estas fibroptiko kaj perkomputila lernado [41].

La spaco, kiun rigardo sammomente ampleksas.

a)

Ĉio, kion okuloj sensas: birdrigardante de sur aviadilo super la akvo, oni havas larĝan vidkampon [42]

b)

Ĉio, kion objektivo vidigas.