^*diligent/a ^UV

Konstante kaj zorge laborema, klopodema: diligenta lernanto; li per lerta kaj diligenta mano pretigadis lignajn ŝuojn [1]; homo diligenta havas riĉecon [2]; estu diligenta pri tiuj aferoj, dediĉu vin al ili, por ke via progreso evidentiĝu al ĉiuj [3]; li eliris, kaj komencis diligente rakonti kaj disfamigi la aferon [4]; li elserĉis min tre diligente kaj min trovis [5]; ŝi promesis, ke ŝi estos diligenta kaj faros ĉion, kion ŝiaj fortoj permesos [6]; ili estis tre diligentaj kaj viglaj, la maljunaj geedzoj, neniun horon ili pasigis en senlaboreco [7]; nia diligenta kolegaro ne laciĝos en laboro paca [8]; diligente atenti la aŭditaĵojn [9]. abelo, agema, atenta, fervora, formiko, zorgema

Esti diligenta, agi diligente: oni tiaokaze ne tre diligentas por kaŝi la faktan mensogon, kiu estas nur la vesto de la vero [10]; ne vane ŝi diligentis dum la studjaroj [11]; urbetanoj esperas, ke la geknaboj plu diligentos por ricevi orajn medalojn [12].

La eco esti diligenta: la disdonanto agu malavare, la administranto kun diligenteco, la kompatanto kun ĝojo [13]. plurajn aferojn […] eblus plibonigi per aplikado de nur iomete pli da zorgo kaj diligento [14]; li parolas pri la diligenteco kaj konfidindeco de la judoj [15].

Iu diligenta: la animo de diligentuloj satiĝas [16]; la entreprenoj de diligentulo donas nur profiton [17].

Mallaborema, malpenema, malvigla: pri laboroj maldiligenta, pri festoj plej kompetenta ^PrV ; mi pasis tra kampo de homo maldiligenta […] kaj jen ĉie elkreskis urtiko, ĉio estas kovrita de dornoj, kaj la ŝtona muro estas detruita [18]; ne, ili ne estis perfiduloj, sed maldiligentaj altranguloj [19] maldiligenta mano malriĉigas, sed mano de diligentuloj riĉigas [20]; (figure) la ondoj malfortiĝis kaj fariĝis kvazaŭ maldiligentaj [21]; (figure) la horoj treniĝas maldiligente. pigra

Esti maldiligenta, agi maldiligente: maldiligenti en la ondanta, bonodora erikaro, jen la vera vivoĝua ĝojo! [22]. pigri

La eco esti maldiligenta: mi ne scias, kial oni ne varbis aliajn ― ĉu temas pri maldiligento flanke de UEA, ĉu simple pri la fakto, ke UEA nuntempe sentas sin sufiĉe forta por stari sen apogo de gravaj nomoj [23]; la geinstruistoj kiuj jam delonge plendas pri stulteco kaj maldiligento de la juna generacio [24]; maldiligenteco ne pretigos al si manĝon [25]; maldiligenteco estas la radiko de ĉia malbono [26]. pigro

Iu maldiligenta: iru al la formiko, vi maldiligentulo, rigardu ĝian agadon, kaj saĝiĝu [27]; la animo de maldiligentulo deziras, kaj ne ricevas [28]; Wicek, kiu hodiaŭ, maldiligentulo, ne iris en la lernejon [29]. pigrulo