^*dom/o

1.  ↝

Tuta konstruaĵo, destinita por homa loĝado (domo kun unu aŭ pluraj loĝejoj), por oficejoj (urbodomo) aŭ publikaj servoj (stacidomo, Esperanto-domo): antaŭ la domo staras arbo [1]; bona estas domo nova kaj amiko malnova ^PrV ; apud propra domo ŝtelisto ne ŝtelas ^PrV ; dronanto domon proponas, savito eĉ brikon ne donas ^PrV ; tolaĵon malpuran lavu en la domo ^PrV ; la administranto de mia domo [2]; cirkumcidata estu ĉiu naskita en via domo [3]; ĉu en la domo de via patro estas loko por ni, por tradormi la nokton [4]? antaŭ la sojlo de la domo [5]; domfasado [6]; plenokupaj dommastrinoj [7]; dombesto [8]; domplantoj [9].

2.  ↝

Nobela, eminenta familianaro: edzoligiĝi kun domo de nobelo [10]; ni gardis honeste la honoron de nia domo, ni povas kun pura konscienco partopreni en la komuna festo de nia familio [11]. dinastio

3.  ↝

(arkaismo) Hejmo: mi restos hodiaŭ dome [12]; jam estas tempo iri domen [13].

(komune) Malbona domo, maloportuna, malsolida aŭ iel difektita: kiel longe ankoraŭ tiu malnova domaĉo staros ĉi tie ĉe la strato [14]? barako, dometo, kabano

1.  ↝

Loĝanto de domo: la fajrogrigado savis ĉiujn domanojn.

2.

Kunvivanto en iu hejmo, samhejmano, eventuale kontraste al la dommastro: Esav prenis siajn edzinojn kaj siajn filojn kaj siajn filinojn kaj ĉiujn siajn domanojn […] kaj foriris en alian landon [15]; Abram diris: al mi Vi ne donis ja idaron, kaj jen mia domano estos mia heredanto [16].

La tuto de loĝantoj en unu domo, anoj de kunloĝa familio: Adaha tuj gajnis la sinceran korinklinon de la tuta domanaro per sia natura amindeco [17].

Granda domo ofte entenanta multajn loĝejojn aŭ oficejojn: magazenoj, fabrikoj kaj laboristaj domegoj [18]. palaco

Malgranda domo kun malmultaj etaĝoj, malmultaj ĉambroj: ni vidas Doroteon, sin direktantan al sia kaduka dometo [19].

Domo aŭ dometo aranĝita kiel banejo: kiam […] la princino iris en la bandomon, li saltis al ŝi [20].

Domo en sovaĝejo, por restado dum plurtaga ĉasado aŭ plezurekskurso: ŝi eltrovis, ke la vojo […] kondukas nur al reĝa ĉasdomo; kaj ke tiu domo troviĝas en la mezo de vasta arbaro [21].

Domo aranĝita kiel unu aŭ pluraj loĝejoj: la altaj loĝdomoj kreskis kaj kreskis [22].

Longa, pluretaĝa domo entenanta multajn vicojn de loĝejoj ordinare alireblaj per sinsekvaj enirejoj: ni serĉis nian studentan hejmon, kiu estis inter multaj paneldomoj dekomence nevidebla [23].

Radhava veturilo ene aranĝita por loĝo, movata per tirbesto aŭ aŭto: certe vi aŭdis iel pri la vojaĝo de juna paro tra Eŭropo per simpla ruldomo tirata de ĉevalo [24]. loĝaŭto

Eksterurba privata domo, por pli agrabla somera loĝado: La roma imperiestro Klaŭdio havis en Pompejo somerdomon [25].

Konstruaĵo por halto de vagonaroj, eliĝado kaj eniĝado de pasaĝeroj aŭ komercaĵoj: la vagonaro brue venis al la […] stacidomo [27].

Konstruaĵo funkcianta kiel ĉefoficejo kaj solenejo de urba administro: la mikskolora blazono sur la malnova urbodomo [28].

Loĝdomo¹ ordinare unufamilia, konstruita sammodele kun najbaraj, staranta vice apud ili: la geonkloj loĝis en vicdomo iom sude de la kvartalcentro [29].