fajn/a

1.

Prezentanta aŭ akre distinganta subtilajn diferencojn: fajnaj filigranoj [1]; fajnkontura silueto [2]; [li] videble kapablas je tre detalaj stilaj studoj kaj havas fajnan orelon por nuancoj [3]; por ‚rapida‘ la embaraso de riĉeco prezentas almenaŭ ses vortojn, ĉiujn fajne sencmalsamajn [4]; la araba skribo ne favoras taŭgan transsendon de tiaj fajnaj sonnuancoj ^CKv ; la fajneco de l’ trajtoj, la densa nigra hararo, la rekta nazo, […] ĉio disradiis neoftan belecon ^ChC ; li estis poeto kun […] kapablo ellabori ankaŭ komplikan materialon en fajna, emociveka maniero ^EeP ; ĉe ni tiuj sentoj estas multe pli fajnaj, delikataj, komplikaj kaj intensaj, ĉar tio apartenas al la kultura vivo ^VojaĝImp ; lia sanga grupo koincidas kun la konkludoj tiritaj el la specimenoj de spermo, kiun ni trovis ĉe la viktimoj, eĉ laŭ la tre fajnaj subdividoj, kiujn oni nun uzas ^ChM ; ne estus fajne! […] preparu nin al ŝtormosalt' [5]; farbi ĝin per guaŝo kaj tre fajna peniko [6]; fajnsablaj plaĝoj [7]; bebeto kun fajna haŭto rozkolora ^SkandalJozef ; (figure) eleganta, kristale fajna lingvo-uzo ^EeP ; ludoj kun fajnaj kaj moviĝantaj tridimensiaj grafikaĵoj estas la ĉefaj aferoj [8]; la dua fermentado (aŭ maturiĝprocedo) fajnigas la guston kaj atribuas pli da mildeco al la biero [9]. rustika

Rim.: Io delikata milde kaj malforte impresas la sentumojn kaj estu tuŝata nur malforte pro rompiĝemo, dum io fajna bezonas akrajn sentumojn por povi distingi ĝiajn nuancojn. Io subtila impresas same, sed kutime senpere kaj nature, dum fajneco fariĝas per kulturado, edukado, prilaborado. Io sublima impresas la animon, la spiriton.

2.

Ekstrakvalita, pursubstanca: fajna oro ^MkM ; fajnigi metalon; la restoracio estis agrabla, la manĝo bongusta, la vino fajna... ^ChB ; [sur] la skribotablo […] amaso da fajna papero kiun mi plenigas [10]; disigu la fajron disde la tero, la fajnon disde la malfajno, milde, kun plena komprenemo ^SatirRak ; (figure) plej fajnaj belec-reĝinoj [11]; (sarkasme) jen fajna societo: kontrabandi, falsi deklarojn, trompi havenajn instancojn ^MortulŜip . malkruda, rafinitapuranobla

[12]

(p.p. aro de subaroj, rilate al alia) Ĝin inkluzivanta: la maldiskreta topologio estas la malplej fajna el ĉiuj; la idento-bildigo de topologia spaco al topologia spaco kun pli malfajna topologio estas ĉiam kontinua. topologio, filtrilo

Rim.: Tiu ĉi termino estas klare internacia, kaj ni preferis ne sekvi [13], kiu proponas uzi verbojn de la tipo „pli(al)i“ aŭ „men(al)i“ por kompari la topologiojn. Se iu ne ŝatas la terminon „esti pli fajna“, li simple uzu „inkluzivi“.