^*pov/i

(tr)

1.

Havi la forton, lertecon aŭ kapablon necesan por fari ion: kiu devas, tiu povas ^PrV ; kion oni volas, tion oni povas ^PrV ; du homoj povas pli multe fari ol unu [1]; mi neniel povas kompreni, kion vi parolas [2]; mi ne povas [legi tiun libron], ĉar ĝi estas sigelita [3]; montru al li dankon, se pli oferi vi ne povas ^Ifigenio . scipovi, povoscii

2.

Havi la rajton, la aŭtoritaton necesan por fari ion: absoluta reĝo povas fari ĉion, kion li volas; oni ne povas malliberigi homojn, pro tio ke ili […] aŭskultis muzikon [4]; tie, kie mi alestas, neniu povas teni nepunate la glavon nudigitan ^Ifigenio ; ĝi prezentas simple mian personan opinion, kiun ĉiu el vi povas aprobi aŭ ne aprobi [5]. rajti.

3.

Havi la permeson, la eblecon fari ion: la personoj, kiuj ne komprenas la uzadon de l' artikolo, povas en la unua tempo ne uzi [ĝin] [6]; vi povas trovi tiujn ĉi ideojn plenumeblaj aŭ neplenumeblaj ^EE ; ni povas diri „obei al la patro“ kaj „la patron“ [7]; ĉiu, kiu ŝin vidis povis pensi, ke li vidas la patrinon [8]; en malbona vetero oni povas facile malvarmumi [9]; tre povas esti, ke [10]; li povas alveturi (estas okazeble, ke li alvenos) en ĉiu horo [11]. eble

1.

Kapablo fari ion: ne lasu al iu la povon malutili; laŭ sia povo ili donis en la trezorejon de la laboroj: da oro sesdek unu mil darkemonojn, da arĝento kvin mil min'ojn, kaj da pastraj vestoj cent [12]; Jesuo, kortuŝite, tuŝis iliajn okulojn, kaj tuj ili ricevis vidpovon, kaj sekvis lin [13]; la Spirito donis al ili parolpovon [14]; la profetpovo estas kiel signo […] al la kredantoj [15]; riĉa preparo, sed povo avara ^PrV ; forprenu de ni la povon de interŝanĝado de pensoj — kaj ni restos sensaĝaj kaj senhelpaj bestoj ^FK .

2.

Aŭtoritato, supera estreco: tia monarĥo devas havi povon kaj grandan riĉaĵon [16]; neniu havos povon super vi [17]; sen povo kolero estas ridinda afero ^PrV .

3.

Fizika grando, egala al la kvociento de laboro per la infinitezima intervalo de tempo, en kiu tiu laboro efektiviĝas; alidire: skalara produto de forto, aplikita al korpo, per la rapido, kiun ĝia efiko produktas sur la korpo: la dimensioj de povo estas `ML^2T^-3`; la povo de motoro estas 500 ĈP (ĉevalpovoj). ĉevalpovo, vato.

4.

[18] (de aro) Kardinalo.

Sinonimo de povo³ kaj povo⁴: pro la granda povumo ‐ 6400 kilovatoj ‐ ĝi povas tiri 1600-tunan varo-trajnon je 160 km/h kaj pasaĝero-trajnon je 230 km/h [19]; inkandeska lampo, lumflukso 1350 lumenoj, povumo 100 vatoj [20].

Kies povo kapablas ĉion ajn: Dio sola kaj ĉiopova [21]; vian ĵuron nuligis la ĉiopova morto [22]; kiam la ĉiopova Mahadeva kreis la belegan Hindujon, li deflugis sur la teron, por ĝin admiri ^FK ; (figure) la ministro, antaŭ nelonge ĉiopova, […] sidis nun sola en sia palaco [23].

Evoluo aŭ agomaniero, kiu kontentigante la postulojn de la nuntempo povas daŭri ankaŭ en la estonto: varoj, kiuj laŭ la organizantoj estas daŭripovaj kaj kiuj ne damaĝas bestojn [24]; konceptoj por daŭripova energi-provizado el lokaj resursoj [25]; origine la esprimo daŭripovo (aŭ ĝiaj nacilingvaj ekvivalentoj) estis uzata en la arbarkulturo ^Viki .

(malofte)

Kiun neniu povas, nefarebla: ŝia penegado […] per sia propra tro forta streĉiĝo nepovebligis ĉiun progreson ^Marta ; nenio por Dio estas nepovebla [26].

(p.p. du aroj) Tiaj, ke ekzistas bijekcio inter ili: du finiaj aroj kun sama nombro da elementoj estas sampovaj; la aro de ĉiuj entjeroj estas sampova kiel la aro de ĉiuj paraj entjeroj; la aro de reeloj kaj la subaro de ĝiaj elementoj inter 0 kaj 1 estas sampovaj; povo de F [ne] nepre estu pli granda ol R, fakte, ili povas estis sampovaj [27].

Ne povanta agi aŭ influi: en la infaneco li estas senpova, en la maljuneco senforta [28]; por ŝanĝi ion en la natura irado de la internacilingva afero, mi estas tiel same senpova, kiel ĉiu alia persono [29]; ŝajnaj indiferentuloj, mem senpovaj imagi la propran bonecon [30].

Stato de tiu, kiu ne povas agi, influi, regi situacion: falsaj konsoloj […] pligrandigas mian senpovecon [31]; panĝabanoj sentas ankaŭ politikan senpovon [32].