tradukoj: be bg cs de en es fr hu nl pl pt ru sk sv

*izol/i

*izoliTEZ

(tr)
Apartigi de la aliaj, malhelpante ĉiajn komunikojn aŭ rilatojn: izolita domo de leprulo [1]; tuberkulozulon, frenezulon; izoli monumenton; malriĉa vidvino loĝis en izolita dometo [2]; sin izoli en sia funebro, laboro; la kalumnio izolis lin for de liaj amikoj; izolitaj familioj, kiuj renkontante unu alian en la bazaro de Pi-Bailos povis eĉ ne scii, ke ili estas najbaroj en la dezerto [3]; suferoj ne venas izolitajZ; izoli frazon de la kunteksto.
a)
ELE Ĉesigi ĉian kontakton kun korpoj kondukantaj la elektron: oni devas zorge izoli la kondukilojn; Dielektriko [povas esti] vitro, uzita por izoli lineojn de altaj tensioj, [...] plasto, kiel polivinil-klorido, por izoli elektrajn kablojn [4].
b)
KEM Apartigi korpon for de la ĥemiaj elementoj, kun kiuj ĝi estas kombinita: aluminio estas la plej abunda metalo en la tero, sed Ørsted povis izoli la metalon nur en 1807 [5].
VD:baro, muro

izola Vikipedio

1.
Kiu izolas, malproksimigas de ĉio: li estas ... en izola ĉasdomo de la reĝo [6].
2.
Izolita, troviĝanta en izoleco: sian celon [ili] atingos pli rapide, ol per izola agado [7]; vivi izole, sen amikoj.

izolo

Apartigo, senigo je kontaktoj aŭ rilatoj: „Izolo“ (poemaro de Kaloĉajo) [8]; korpo tie ĉi kaj cerbo ĝuas pacon de l' izolo [9].

izolita

1.
Kiun oni izolis aŭ izolis sin; ial troviĝanta aparte de aliaj: malpura li estas: li estu izolita, ekster la tendaro estu lia loĝejo [10]; apenaŭ povas ekzisti homoj ― krom eble loĝantoj en plej izolitaj lokoj [11].
2.
MAT
a)TEZ
[12] (p.p. punkto x de topologia spaco, rilate al subaro A) Tia, ke ĝi apartenas al A, sed ne estas akumuliĝa rilate al ĝi (alidire: ekzistas ĉirkaŭaĵo de x, kies nura komuna punkto kun A estas x mem): en spaco kun diskreta topologio ĉiu ajn punkto estas izolita rilate al ajna subaro, ĝin enhavanta. ANT:akumuliĝa.SUP:adhera.
b)TEZ
(p.p. vertico de grafeo) Tia, ke neniu eĝo estas al ĝi incida.

Rim.: Supozeble ankaŭ la pli malpeza sinonimo „izola“, uzata ekster matematiko, tre bone taŭgus ĉi-kuntekste.

izoliteco

Stato de io aŭ iu izola: la profunda arbara izoliteco [13]; ho, kiel mi memoras ĉiun loketon kaj ĝian sanktan profundan izolitecon [14].

izolilo Vikipedio

ELE
Subportilo el izolanta substanco por izoli elektran kondukilon: konduktanto, ekzemple metalo, havas altan konduktivon, kaj izolilo, ekzemple vitro aŭ vakuo, havas malaltan konduktivon [15]; silicio sur izolilo estas teknologio de fabrikado de icoj (ekz. procesoroj) [16].

tradukoj

anglaj

~i: isolate; ~ita a: isolated; ~ita b: isolated.

belorusaj

~i: ізаляваць, адасобіць; ~a 2.: ізаляваны, адасоблены; ~iteco: ізаляванасьць, адасобленасьць ; ~ilo: ізалятар.

bulgaraj

~i: изолирам.

ĉeĥaj

~i: uvolňovat, vylučovat, vyvíjet; ~a: izolační, ojedinělý, osamělý; ~ita: izolovaný (vrchol grafu); ~iteco: izolovanost, osamocenost, osamělost; ~ilo: izolátor.

francaj

~i: isoler; ~a 2.: isolé; ~o: isolement; ~ita a: isolé; ~ita b: isolé; ~iteco: isolement; ~ilo: isolant.

germanaj

~i: isolieren; ~ita a: isoliert; ~ita b: isoliert; ~iteco: Isoliertheit, Isolation; ~ilo: Isolator.

hispanaj

~i: aislar; ~a: aislado.

hungaraj

~i a: szigetel; ~i b: izolál; ~i: elszigetel, elkülönít, izolál; ~a 2.: elszigetelt, különálló, magányos; ~ita 1.: elszigetelt; ~ita: izolált; ~iteco: elszigeteltség, izoláltság, izoláció; ~ilo: szigetelő.

nederlandaj

~i: isoleren, afzonderen; ~a: geïsoleerd; ~iteco: afzondering, isolatie, isolement; ~ilo: isolator.

polaj

~ita a: izolowany; ~ita b: izolowany.

portugalaj

~i: isolar; ~a: isolado; ~o: isolamento (ação); ~ita: isolado; ~iteco: isolamento (estado); ~ilo: isolador (eletricidade).

rusaj

~i: изолировать; ~a 1.: изоляционный; ~a 2.: изолированный; ~o: изоляция; ~ita 1.: изолированный; ~ita a: изолированная (точка); ~ita b: изолированная (вершина); ~iteco: изолированность, изоляция; ~ilo: изолятор.

slovakaj

~i: izolovať, oddeliť, odlúčiť; ~a: izolačný, osamelý; ~ita: izolovaný (vrchol grafu); ~iteco: odlúčenosť, osamelosť; ~ilo: izolátor.

svedaj

~i: isolera; ~ilo: isolator.

fontoj

1. trad. L. L. Zamenhof: La Malnova Testamento, II. Kroniko 26:21
2. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Neĝulino kaj Rozulino
3. B. Prus, trad. Kazimierz Bein: La Faraono, vol. 1, Ĉapitro I
4. Vikipedio, Dielektriko
5. Vikipedio, Aluminio
6. H. A. Luyken: Pro Iŝtar, ĉapitro 18a, maltrankvilo en la reĝa palaco
7. L. L. Zamenhof: Paroloj, antaŭ la malferma kunveno de UEA ĉe la Kvina Kongreso Esperantista en Barcelona en la 7a de septembro 1909
8. Kálmán Kalocsay: Izolo, Roterdamo: Universala Esperanto Asocio, 1977
9. Raymond Schwartz: La Stranga Butiko, LIBERTEMPO
10. trad. L. L. Zamenhof: La Malnova Testamento, Levidoj 13:46
11. Monato, Albisturo Kvinke: OPINIO: Sobraj pensoj de sobrulo
12. Raoul Bricard: Matematika Terminaro kaj Krestomatio, p. 32
13. H. C. Andersen, trad. L. L. Zamenhof: Fabeloj, vol. 4, filino de la marĉa reĝo
14. H. C. Andersen, trad. L. L. Zamenhof: Fabeloj, vol. 1, Ligo de amikeco
15. Vikipedio, Elektra konduktivo
16. Vikipedio, Silicio sur izolilo

~i: Mankas verkindiko en fonto.


[^Revo] [izol.xml] [redakti...] [traduki...] [artikolversio: 1.29 2017/07/13 07:10:14 ]