^*mantel/o ^UV

1.

Vasta longa senmanika supervesto, kiu malstrikte pendas de sur la ŝultroj: Adaha deprenis de siaj ŝultroj lanan mantelon, kaj metis ĝin ĉirkaŭ la knabineton [1]; mi vidis inter la militakiraĵo belan Ŝinaran mantelon [2]; dirante tion, la princo ĵetis sur la ŝultrojn mantelon kun kapuĉo kaj elglitis en la ĝardenon [3]; envolvu vin en vian mantelon, ĉar kiel ajn varmege ĉi tie rostas la suno, unu paŝon plue estas glacie malvarme [4]; kozaka, kavaleria mantelo.

a)

Similaspekta vesto specialcela, kiu ne nepre servas kiel supervesto: reĝa mantelo; frizmantelo. talaro

b)

(figure) Protekto, ŝirmo: etendu vian mantelon sur vian servistinon, ĉar vi estas savanto [5]; la tiraneco aperus en la velure mola mensogomantelo de la kundecida rajto [6]; okcidentaj industri-landoj volas akapari la merkaton de la tria mondo sub mantelo de altruismo [7]. masko, vualo

burnuso, pelerino, ponĉo

2.

En la eŭropa modo de post la 18a jc, ĝenerala nomo de supervesto en formo de iom longa kaftano: vojaĝmantelo, pluvmantelo, peltomantelo; homoj ŝirmis sin per pluvombreloj kontraŭ la pluvo, per manteloj kontraŭ la malvarmo ^Marta ; Mahometo […] deiris de la ĉevalo, prenis la serpenteton kaj metis ĝin en la manikon de sia mantelo [8]; izvoŝĉikoj vestitaj en la tradicia longa blua mantelo kun zono ĉirkaŭ la talio kaj sube dika ŝafopelto, kondukas en la stratoj […] siajn veturilojn [9]. palto, redingoto, surtuto, talaro

Tuko kiun oni surmetas sur la ŝultrojn de la kliento en frizejo (aŭ en alia simila loko) por protekti liajn vestojn dum hartondado, ŝminkado ktp.

Mantelo kun kapuĉo: ruĝ-liniita invernesa kapuĉmantelo [10]; benediktano en kapuĉmantelo [11]. burnuso, froko, kapoto¹

1.

Varma vintra mantelo² el pelto: li estis vestita en peltomantelo kun kastora kolumo kaj astrakana malnovreĝima antaŭrevolucia ĉapo ^Metrop .

2.

Luksa pelta mantelo², precipe ina: la aŭtoj alvenis unu post la alia, kaj lukse dekoritaj uniformoj, admirindaj, ermenaj peltmanteloj, blankaj frakoj estis videblaj [12].

Mantelo nepenetrebla de akvo por protekti sin kontraŭ malseka vetero: Berg surhavis pluvmantelon, la mantelo estas malseka, sed la vesto sub ĝi – seka ^Metrop ; de sur liaj ŝultroj pendis granda, akrakolora teksaĵo, kion kun iom da bonvolo oni povus rigardi pluvmantelo ^VaK .

Interna, varmega kaj gluema parto de la tero, ĉirkaŭ la terkerno kaj sub la terkrusto: helpe de la esplorado pri tertremo de interna lando de Antarkto oni konos la profundan strukturon de terkrusto kaj termantelo [13].