lez/i

(tr)

1.

Kaŭzi patologian difekton aŭ ŝanĝon en organo: skarlatino ofte lezas iun organon; koncerne la pulmojn: fumi kanabon ja lezas ilin [1]; [li] dum jaroj sisteme planis siajn atencojn, […] aĉetis pafilojn kaj specialan municion, kiu maksimume lezu trafitan korpon [2]. dolorigi, vundi¹

2.

(figure) Kaŭzi damaĝon: la milito lezis internacian leĝaron kaj tiel starigis danĝeran precedencon [3]; oni preskaŭ hontas lezi per dikaj turismaj botoj la vojetojn tra ekflorantaj arbaroj [4]; neologismoj, kiuj tute ne lezas la strukturon de la lingvo [5]. damaĝi, difekti, malrespekti, malobei, malobservi, ofendi, treti²

1.

Patologia difekto aŭ ŝanĝo en organo: videblas laboratorie spuroj de peza hepata lezo [6]; kiam oni rompas oston aŭ vundiĝas, molekuloj en la korpo ekreagas, provante sanigi la lezon [7]; la vundito havis tranĉilan lezon en la koro kaj forpasis [8]; en la banlokoj oni kuracas malsanojn de la mova aparato, statojn post operacioj kaj lezoj [9].

2.

(figure) Damaĝo: la publikigo […] prezentas lezon de miaj aŭtoraj rajtoj [10]. rompo²