^*18muzik/o ^PV

1.

Belarto pri aranĝo de sonoj agrabla por homa aŭdo, precipe per ritmo, melodio, harmonio: li aranĝadis la muzikon, ĉar li estis kompetentulo [1]; Arkadio, kvankam li efektive amis muzikon, nevolonte sekvis ŝin [2]. li komprenas predikon, kiel bovo muzikon ^PrV .

2.

La prezentado de muzikaĵoj; muzikado: kiam li venis kaj alproksimiĝis al la domo, li aŭdis muzikon kaj dancadon [3]; en palacoj eburaj ĝojigas vin muziko [4]; kiam la bela muziko ludis ĉiam plue, ŝi ne povis plu elteni, [... ŝi] balancadis la kapon laŭ la takto de la bela muziko [5]; nun komenciĝis la muziko [6]; mi jam ne aŭdados la muzikon de la ondoj [7].

1.

Rilata al muziko: noto muzika [8]; muzika signo ^EE , tono ^IK , talento ^IK , klereco ^Marta , repertuaro ^Marta , kolegio ^FK , terminaro ^Ifigenio ; ili starigu siajn fratojn la kantistojn kun muzikaj instrumentoj, psalteroj, harpoj, kaj laŭtaj cimbaloj [9]; en ĉiu lingvo la muzika terminaro estas en stato ĥaosa [10].

2.

Posedanta muzikan econ, agrabla por la orelo.

(x)

Muzike sonigi voĉon aŭ instrumenton: per tamburino kaj harpo ili muziku al Li [11]; la popolo muzikis per flutoj kaj estis tre gaja [12]; la servistoj, por pasigi la tempon, manĝis, trinkis kaj muzikis [13]; la turhorloĝo muzikas simplan kaj samtempe tian kortuŝan melodion ^Metrop .

Sonaĵo agrable aranĝita por homa aŭdo: melankolie sonas ankoraŭ multaj versoj, sed […] jen subite blovas vigla muzikaĵo ^VivZam ; li verkis poemojn kaj komponis muzikaĵojn [14]; kanono estas muzikaĵo, en kiu temo anoncita de unu voĉo estas imitata strikte de alia [15]; ili estas multpartaj plurhoraj muzikaĵoj, pli similaj al operoj por unu voĉo ol al kantoj laŭ eŭropa tradicio [16]; estas kvazaŭ la muzikaĵoj de Bach tiom influus, ke neniu muzikkonstrua stilo poste ekzistus, nek akirus publikon [17]; la Kolekto de Muzikaĵoj konsistas el 51 000 manskribitaj kaj 130 000 presitaj muziknotdokumentoj, 70 000 libroj, 41 000 hereditaj objektoj kaj 20 000 sondokumentoj [18]; oni kulpigu pri tio la interpretan magion de Nanne kaj Ankie, kiuj kapablas fari eĉ el teksto ne tre ekscita kaj melodio simpla kaj tradicia muzikaĵon vere atentokaptan [19]. kanto¹, komponaĵo, simfonio, opero

Kortegano respondeca pri la prezentado de muzikaĵoj: ĉi tiu ne estas kulpa, diris la muzikaĵisto, ĉi tiu severe observas la takton kaj estas tute el mia lernejo [20];

^MuzTerm (tr)

Fari muzikaĵon por ekzistanta teksto, ofte poeziaĵo, verkante por ĝi taŭgan kantan formon: kelkaj liaj junaĝaj versaĵoj estis muzikigitaj kaj prezentataj en bardaj koncertoj [21]; la Kajto-kantoj, kiujn mi plej ŝatas, estas la muzikigitaj poemoj Orangutango, La soldato kiu marŝas kaj Rabista dormo [22].

Rim.: Kvankam PIVa, tiu derivaĵo estas gramatike dubinda. Oni ne faras versaĵon muziko, oni ĝin provizas je muziko. Konvena sufikso estus -iz (se oni ĝin akceptas); aŭ eblus uzi ion pli priskriban (enmuzikigi, surmuzikigi ‐ kp „surscenigi“ ktp). [S. Pokrovskij]

Muzikinstrumento: venis unu rusa vilaĝa junulo kun sia man-orgeneto (rusa muzikilo) [23]; stereotipa aŭtomata akompanado helpe de modernaj teknikaĵoj, ne muzikiloj sed sonsinteziloj [24]; ni ĝuis belan harpmuzikon surstrate, ludatan de franca muzikisto, loĝanta en Galway, kie li lernas konstrui muzikilojn [25]; sonaton vi aŭskultas plenumata de ordinara violonĉelisto per mezkvalita muzikilo [26]; Antonio Stradivari (1644-1737), la plej mondfama metiisto, neniam superita, de arĉo-muzikiloj [27]; sonoj de originala bulgara muzikilo gadulko (ribeko) [28]; tondradas muzikiloj modernaj, ankaŭ tamtamoj kaj tamburoj, ne silentas gongoj kaj kastanjetoj [29].

Profesiulo aŭ kompetentulo pri muzikado: la Levidoj ĉiuj estis kompetentaj muzikistoj [30]; kantistoj kaj muzikistoj [31]; la bardo, duone muzikisto kaj duone militisto, kiu partoprenis en la militiro kaj estis vidanta atestanto de la faroj, kiujn li prezentis, kantis al ili kanton, kiu gloris iliajn grandajn militajn agojn [32]; la bremenaj muzikistoj (fabelo), urba muzikisto [33]; la spektaklo komenciĝis per procesio de muzikistoj, kantistoj kaj dancistinoj [34]; la muzikistoj agordas siajn instrumentojn en la Spegulĉambro [35].

Muzikgrupo, precipe trejnita aŭ profesiula, ensemblo aŭ orkestro: folklora muzikistaro akompanas la vojaĝantojn [36]; rakontas Raita Pyhälä ... „oni marŝis, malantaŭ uniformita muzikistaro“ [37].

Muziko de malgranda muzikistaro, ĝis ok- aŭ dekhoma, aŭdebla en ne tre vasta spaco de ne tre granda publiko, kontraste al orkestromuziko: en loka monaĥejo okazis eta koncerto de ĉambra muziko [38]. ensemblo^1.a

Muziko de orkestro por vasta spaco kaj mulnombra publiko, kontraste al ĉambromuziko: vi aŭdas la orkestran muzikon „Kanto pri la Ruĝa Flago“ [39].

Scienco pri muziko, muziksistemoj, ĉio rilata al sonarto: lingvistoj kaj filologoj tre ofte eluzas la terminologion kaj la metodologion de la muzikscienco dum siaj fakaj esploroj [40].

Fakulo pri muzikoscienco: estante muzikfakulo, vi certe scias, ke muziko, kiu taŭgas por nia radiostacio kaj aŭskultantaro, ne tro abundas [41]; la verkojn de Zelenka kunigis kaj katalogis la muziksciencisto Wolfgang Reich [42].